حضرت اسحاق علیہ السلام

حضرت اسحاقؑ، حضرت ابراہیمؑ دے فرزند ہن جنہاں دے پتر حضرت یعقوبؑ توں بنی اسرائیل دی نسل شروع تھیندی اے.اضحاق یا اسحاق (عبرانی: יצחק مطلب: ہنسی، خوشی) ابراہیمؑ تے سارہؑ دے کلہے پتر ہن جیہڑے انہاں دے ہاں تݙہاں پیدا تھئے جݙݨ آپؑ دے ماں پیو عمر رسیدہ ہن۔ خدا نے اس دا وعدہ ابراہیمؑ تے سارہؑ نال کیتا ہئی۔ اے بیر سبع وچ پیدا تھئے تے آپؑ دی پرورش وی اتھائیں تھئی۔

انجیل وچ اسحاقؑ دی عکاسی

حالات

اسحاقؑ نے چالیہہ سال دی عمر وچ اپݨی رشتہ دار ربقہ نال شادی کیتی۔ اُس دے ݙو پتر عیسو تے یعقوبؑ ہن۔اسحاقؑ ہک زبردست ڄٹ تے مال ڈھانڈھیاں دے راکھے ہن. اپݨی آخری عمر وچ آپؑ نابینا تھی گئے ہن۔

اسحاقؑ 180 سال دے تھی کے فوت تھئے تے قریت اربع (حبرون) وچ دفن تھئے۔ اسحاقؑ دا اِسرائیل دے بزرگاں وچ شمار تھیندا ہے۔