امیر عبدالرحمٰن اول بن معاویہ بن ہشام: نسخیاں دے درمیان فرق
Content deleted Content added
سطر ٣:
===خلافت امویہ دا خاتمہ تے عبد الرحمن دا فرار===
عبد الرحمن خلافت بنو امیہ دے 10ویں خلیفہ ہشام بن عبدالملک دا پوترا ہئی۔ جݙݨ عباسیاں نے دمشق تے قبضہ کرکے خلافت امویہ دا خاتمہ کیتا تاں اوں وقت عبد الرحمن اول دی عمر 20 سال ہئی۔ او عباسیاں دے ہتھوں خاندان امویہ دے قتل عام وچ بچ ونجݨ والا واحد فرد ہئی۔ او تے ایندے بھرا یحییٰ نے محل توں فرار تھی کے صحرا وچ ہک بدوی قبیلے دے کول پناہ گھن گھدی۔ اس دوران عباسی اپنے حریفاں کوں بے رحمی نال قتل کریندے ریہے تے انہاں ݙوہاں بھراواں دء تلاش شروع کر ݙتی۔ ایں دوران انہاں نے عبد الرحمن تے یحییٰ دا پتہ وی چلا گھدا پر او ݙوہیں بھرا فرار تھی گئے تے دریائے دجلہ وچ ترپ گئے۔ عباسی سپاہیاں نے واپس آوݨ تے امان ݙیوݨ دا وعدہ کیتا جیندے تے یحییٰ انہاں دے آکھݨ تے یقین کرکے دریا وچوں نکل پیا تاں عباسیاں نے اونکوں فوراً ہی قتل کر ݙتا جبکہ عبد الرحمن تر کے دریائے دجلہ عبور کرگیا تے بعد ازاں شام تے فلسطین توں تھیندا ہویا شمالی افریقہ پہنچ کے عباسیاں دی دسترس توں باہر تھی گیا۔
===افریقہ
خلافت بنو امیہ دے خاتمے دے بعد افریقہ دے صوبیاں وچ مقامی سرداراں نے حکومتاں قائم کرگھدیاں ہن۔ سلطنت امویہ دے اے سابق امیر امویاں تے عباسیاں ݙوہاں کولوں آزادی چاہندے ہن اس واسطے عبد الرحمٰن کوں انہاں دی جانب توں زندگی دا خطرہ لاحق ہئی تے اوہنے مزید مغرب دی جانب فرار تھی کے ماریطانیہ وچ بربر قبیلیاں دے کول پناہ گھن گھدی.
===ہسپانیہ وچ آمد===
755ء وچ او کیوٹا دے قریب موجودہ مراکش پہنچا جتھاں اوہنے اپݨا ہک سفیر ہسپانیہ بھیجا تاکہ او خاندان امویہ دے وفادار سابق رہنماواں دی حمایت حاصل کرسڳے۔ انہاں رہنماواں دی وݙی تعداد صوبہ الویرا، موجودہ غرناطہ وچ مقیم ہئی جتھاں امیر یوسف دی کمزور حکومت موجود ہئی جیہڑا ہک قبائلی گروہ دے ہتھوں کٹھ پتلی بݨا ہویا ہئی۔ اے افراد عرباں دے درمیان قبائلی تے عرباں تے بربراں سے درمیان نسلی اختلافات دے باعث پریشان ہن۔ عبد الرحمن نے اینکو بھرپور موقع سمجھا تے سابق وفادار پیروکاراں دی دعوت تے ستمبر 755ء وچ ملاگا دے مشرق وچ المنقب دے ساحل تے لتھا۔
| |||