عطاء اللہ عیسیٰ خیلوی: نسخیاں دے درمیان فرق

Content deleted Content added
ٹیگز: موبائیل توں لکھائی موبائل ویب سائٹ توں تبدیلی Advanced mobile edit
ٹیگز: موبائیل توں لکھائی موبائل ویب سائٹ توں تبدیلی Advanced mobile edit
سطر ١٤:
عطاء اللہ عیسیٰ خیلوی نے مڈل تک تعلیم اپݨے محلے دے اسکول توں حاصل کیتی۔ میڑک دی سند گورنمٹ بوائز ہائی اسکول عیسیٰ خیل توں حاصل کیتی۔ <ref>http://fqdupdates.com/the-famous-singer-ata-ullah-khan-khiloi-isa/</ref>
عطاء اللہ کوں بچپن ہی توں موسیقی دا شوق ہئی، ایں کیتے اسکول وچ نعت، حمد، نظماں تے ترانے پڑھدے ہوندے ہن۔ <ref>https://www.roznama92news.com/%D8%AE%D8%A7%D9%86-%D8%B9%DB%8C%D8%B3-%D8%AE%DB%8C%D9%84%D9%88%DB%8C-%DA%A9%DB%8C%D9%84%DB%92-%D8%B3%D8%AA%D8%A7%D8%B1%DB%81-%D8%A7%D9%85%D8%AA%DB%8C%D8%A7%D8%B2</ref> میڑک دے بعد ایف اے دی تعلیم گورنمنٹ بوائز ڈگری کالج عیسیٰ خیل توں حاصل کیتی۔ <ref>http://fqdupdates.com/the-famous-singer-ata-ullah-khan-khiloi-isa/</ref> عیسیٰ خیل دے شمالی بازار وچ عطاء اللہ دے والد دی اٹے دی چکی ہئی جتھاں انہاں نے میڑک تک باقاعدہ طور تے والد دا ہتھ ونڈایا۔ بی اے دی تعلیم پرائیوٹ طور تے حاصل کیتی۔ تعلیم دے بعد چکی چھوڑ کے عطاء اللہ نے عیسیٰ خیل دے بازار وچ الصدف جنرل سٹور بݨا گھدا تے والد صاحب دے نال اینہی کم وچ لڳ ڳئے۔ والد صاحب عطاء اللہ کوں وݙا افسر بݨدے ݙیکھݨا چاہندے ہن۔ انہاں دے بقول ڳاوݨا وڄاوݨا مراثیاں دا کم ہے۔ ایں وجہ نال والد اپݨے بیٹے تے سختی وی کریندے تے نال ہی مار کٹ وی کریندے۔<ref>https://www.naibaat.pk/09-Mar-2018/10458%3fversion=amp</ref>
== فنی کیریئر ==
عطاء اللہ خان عیسیٰ خیلوی دی فنی زندگی ݙو حصیاں تے مشتمل ہے کیونکہ انہاں کوں پروفشنل گلوکاری توں پہلے بہت مشکلات درپیش آئے۔
=== ابتدائی مشکلات ===
عطاء اللہ عیسیٰ خیلوی کوں بچپن ہی توں موسیقی دا شوق ہئی لیکن والد صاحب ایں چیزدے سب توں زیادہ مخالف ہن۔ ایں وجہ توں والد عطاء اللہ تے سختی وی کریندے ہن آخر کار انہاں نے ݙو ٹوک الفاظ وچ آکھا کہ ڳاوݨا وڄاوݨا ہے تاں گھر چھوڑ ݙیو۔ 1972ء وچ عطاء اللہ خان بے سرو سامانی دی حالت وچ گھر چھوڑ کے کراچی چلے ڳئے۔ اوں وقت انہاں دے کول کل اثاثہ جسم تے ہک جوڑا کپڑیاں دا، پیراں وچ چپل، مونڈھے تے ہک چادر تے چند روپے جیب وچ ہن۔ ترئے سال تک کراچی وچ ہک چھوٹے جیہے کمرے وچ رہائش رکھی جیندا کرایہ ݙاہ روپے ہئی تے اوں کمرے وچ عیسیٰ خیل دے چند ٻئے مزدور وی نال رہندے ہن۔ کراچی وچ ݙینہہ کوں محنت مزدوری کریندے تے رات کوں اپݨا شوق موسیقی پورا کریندے۔ ترئے سال بعد گھر واپس آئے جیندی وجہ بھیݨ دی وفات بݨی ہئی۔ منور علی ملک نے عطاء اللہ کوں خط لکھا جیندے وچ انہاں دی بھیݨ دی وفات دی خبر درج ہئی۔ گھر دوبارہ چھوڑ کے لاہور چلے ڳئے جتھاں عطاء اللہ ہوٹل تے بیرا گیری کریندے ہن۔ کجھ عرصہ ٹرک تے وی رہے، رکشہ وی کرائے تے چلیندے رہے۔ چھی سال عطاء اللہ عیسیٰ خیلوی نے اینہی طرح مشکلات وچ گزارے۔
=== پیشہ ور گلوکاری ===
1978ء وچ عطاء اللہ خان عیسیٰ خیلوی کوں ریڈیو پاکستان بہاولپور وچ پرفارم کرݨ دا موقع ملا۔ اونہی سال پاکستان ٹیلی وژن کراچی دے پروگرام نیلام گھر وچ وی پرفارم کیتا۔ <ref>https://www.naibaat.pk/26-Aug-2019/25791?version=amp</ref> ریڈیو پاکستان بہاولپور توں عطاء اللہ خان عیسیٰ خیلوی کوں 25 روپے دا چیک ملا ہئی۔ عطاءاللہ اے آہدن کہ اگر کوئی میکوں 25 لکھ وی ݙیوے تاں میں اونکوں ایہ چیک نہ ݙیساں۔ <ref>https://www.roznama92news.com/%D8%AE%D8%A7%D9%86-%D8%B9%DB%8C%D8%B3-%D8%AE%DB%8C%D9%84%D9%88%DB%8C-%DA%A9%DB%8C%D9%84%DB%92-%D8%B3%D8%AA%D8%A7%D8%B1%DB%81-%D8%A7%D9%85%D8%AA%DB%8C%D8%A7%D8%B2</ref>
1979ء وچ فیصل آباد دے چوہدری رحمت علی نے اپݨے آڈیو سٹوڈیو رحمت گراموفون ہاؤس وچ عطاء اللہ عیسیٰ خیلوی دے چار آڈیو والیم ریکارڈ کروائے۔ <ref>https://www.naibaat.pk/26-Aug-2019/25791?version=amp</ref> چوہدری رحمت علی دی عطاء اللہ نال کوئی واقفیت نہ ہئی۔ اوندے ہتھ عطاءاللہ دی آواز والی ہک کیسٹ لڳی جینکوں سݨ کے اوہ عطاءاللہ دی آواز دے دیوانے تھی ڳئے تے خود پچھدے لبھدے عیسیٰ خیل پہنچے۔ انہاں نے عطاءاللہ کوں البم ریکارڈ کرواوݨ کیتے راضی کر گھدا۔ تاں ونڄ کے عطاءاللہ نے پیشہ ورانہ گلوکاری شروع کیتی۔ <ref>https://www.naibaat.pk/09-Mar-2018/10458%3fversion=amp </ref> انہاں البمز دا واری واری ریلیز تھیوݨ ہئی کہ ایندی آواز وطن عزیز دے کونے کونے تک پہنچ ڳئی۔ اتنی شہرت دے باوجود عطاءاللہ دے والد اپݨی ڳالھ تے ہی قائم رہیے تے اتھاں تک خلاف رہیے کہ والد نے صاف منع کر ݙتا کہ تساں اپݨے ناں دے نال نیازی وی نی لا سڳدے اینہی وجہ توں عطاءاللہ خان نے اپݨے ناں دے نال عیسیٰ خیلوی لا رکھا ہے۔ <ref>https://www.naibaat.pk/26-Aug-2019/25791?version=amp</ref> عطاءاللہ خان عیسیٰ خیلوی نے ست زباناں وچ پنجاہ ہزار توں زائد گیت ریکارڈ کرائے جنہاں وچ نوے فیصد توں زائد گانے انہاں دی ما ٻولی سرائیکی وچ ہن۔ <ref>https://www.roznama92news.com/%D8%AE%D8%A7%D9%86-%D8%B9%DB%8C%D8%B3-%D8%AE%DB%8C%D9%84%D9%88%DB%8C-%DA%A9%DB%8C%D9%84%DB%92-%D8%B3%D8%AA%D8%A7%D8%B1%DB%81-%D8%A7%D9%85%D8%AA%DB%8C%D8%A7%D8%B2</ref> عطاء اللہ عیسی خیلوی دے 600 توں زائد کیسٹ بازار وچ موجود ہن۔ <ref>https://www.naibaat.pk/26-Aug-2019/25791?version=amp</ref>
عطاء اللہ خان عیسیٰ خیلوی اپݨے گیتاں تے غزلاں دی وجہ توں پاکستان سمیت پوری دنیا وچ مشہور ہن۔ انہاں نے اسرائیل تے فلسطین دے علاوہ پوری دنیا وچ شاید ہی کوئی ملک ہوسی جتھاں اپݨے فن دا مظاہرہ نہ کیتا ہووے۔ عطاءاللہ عیسیٰ خیلوی سرائیکی وسیب دے واحد فنکار ہن جنہاں تے سب توں زیادہ لکھا ڳیا ہے۔ <ref>https://www.roznama92news.com/%D8%AE%D8%A7%D9%86-%D8%B9%DB%8C%D8%B3-%D8%AE%DB%8C%D9%84%D9%88%DB%8C-%DA%A9%DB%8C%D9%84%DB%92-%D8%B3%D8%AA%D8%A7%D8%B1%DB%81-%D8%A7%D9%85%D8%AA%DB%8C%D8%A7%D8%B2</ref>
==حوالے==
[[ونکی:سرائیکی گلوکار]]