حکایت

خونی دی توبہ

کوٹ مٹھݨ دے محلہ عزیز بھٹی دے اسلامی بھرا اپݨی ڳالھ سݨیندن جو میں ہک اینجھا نوجوان ہم جیڑھا گناہیں نال بھریا ودا ہم گندیاں سنگتا ہن بس ہر ویلھے اپنی دنیا سدھارݨ کیتے ہتھ پیر ماریندا ہم جائز نا جائز طریقے نال دنیا دا مال حاصل کراں ہا ݪڑدا جھگڑدا ہم کہیں دی عزت کینا کریندا ہم بھیݨی بھرایں کوں مریندا ہم لیکن دل اتنا سخت ہا کہیں تے ہاں نہ پمدا ہا اگر میݙے خلاف ڳالھ کرے ہا ڳچی پے ویندا ہم اہل علاقے آلے لوک پریشان ہن اتھاں تئیں جو میں خونی دے ناں نال مشہور تھی ڳیاں ہر کئی ـیݙے کول ݙرے ہا الغرض ہر کوئی ݙرے ہا کوئی میݙے نیڑے نا آوے ہا.? ہیں دوران اللہ پاک دا میݙے اتے کرم تھیا تے میکوں ایں وحشیانہ زندگی تو پناہ ملی اے ایویں تھیا جو میڈے وڈے بھرا جیڑھے دعوت اسلامی نال تعلق رکھیندن

ہک ݙینہہ اماں سئیݨ حکم ݙتا جو ونج تے وݙے بھرا کو سݙ آ..? میں مسجد اندر ڳیاں ݙٹھم ہک مدنی حلقہ لڳا پے درس تھیندا پے تے میݙے وݙے بھرا وی درس سݨݨ وچ مصروف ہن میں ول آیاں تے اماں کو آکھیا جو ادا مسجد وچ موجود ہے اتفاق نال اڳلے ݙینہہ ول اماں بھیڄیا جو بھرا کو سݙ آ ول میں انھاں کو لبھیندیں مسجد پڄ ڳیم میݙے وݙے بھرا میکو ݙیکھ گھدھا تے انھاں اسلامی بھراویں کو میݙے بارے ݙسیا جو میں ایویں ہاں

چند اسلامی بھرا میڈے کول آئے انھاں محبت نال اسلام دی دعوت ݙتی میکوں نرم رویہ اپناوݨ دا زہن ݙتا مزہد مسلمان کو تکلیف ݙیون دی سزا جزا دے بارے ݙسایونے جیکوں سݨ تے میں ٻہوں متاثر تھیاں سوچیم جو میں کیڑھی زندگی گزریندا وداں اللہ رسول دیاں نافرمانیاں کریندا وداں اے وی میݙی طرح انسان ہن اے کیویں مٹھا الیندن تے میں کیویں...? کجھ دیر انھاں کول برکتاں حاصل کیتیاں ول انھاں تو ایجازت منگی انھاں میکوں ہک کیسٹ ݙتی بے پردگی دیاں تباہ کاریاںٌ

او کیسٹ میں گھر چا آیاں...? سݨی. تا دل دے حالات بدل ڳے دل گناہیں کول نفرت شروعکر ݙتے اینجھا اثر تھیا اڳلے ݙینہہ ول پڄ ڳیاں ایں دفع عاشقان رسول دیاں ڳالھیں میݙے دل کو لڳیاں

انھاں میکو ہک کتاب کربلا دا خونی منظر ݙتی میں او گھر چا آیا اوندے وچ آل رسول دیاں عظیم قربانیاں تے یزید دی جفاکاریاں پڑھ تے دل نرم تھی ڳیا میکو پتا چلیا جو پریشانیاں صبر کرݨ مسلماماناں دا طریقہ ہے

کربلا دے ہوش ربا منظر میݙے دل دے پردے چاک کرݙتے میں اپݨے گناہاں دی معافی منگی میں مدنی ماحول اچ آوݨ دا ارادہ کر گھدھا اپݨے بھرا دی محنت نال میں سلسلہ قادریہ رضویہ عطاریہ دے وچ داخل تھی ڳیا میݙے مرید تھیوݨ دے بعد ہک دوست آکھیا جو تو پیر کو تا نوی ݙٹھا ول... میں آکھیا جو پیر کامل ہویا تا دیدار وی کروا ݙہسے ہک رات بیان دے بعد ستا جو ہاں قسمت جاڳ پئی تے مرشد دا دیدار تھی پیا انھاں میکو کنڈ تے تھپکی وی ݙتی

سویرے میں وݙا خوش ہواں خواب گھمدا کھڑا ہا ول مزید دعوت اسلامی دی محبت جاڳی

جیڑھا میں کیا ہم مرشد دے صدقے کیا بݨ ڳیاں ول میݙا ہر کم سنت دے مطابق شروع تھی ڳیا میں اللہ دا شکر کرینداں جو اوں میکوں دوزخ آلے رستے تو بچا گھدھے تے اے مرشد دے زریعے اے مقصد ݙتے

میکو آپݨی تے ساری دنیا دے لوکیں دی اصلاح دی کوشش کرݨی ہے انشاء اللہ عزوجل