حضرت عائشہ صدیقہ رضی اللہ عنہا

آپ حضرت ابوبکر صدیق دی صاحبزادی ہن۔ والدہ دا ناں زینب ہئی۔ انہاں دا ناں عائشہ لقب صدیقہ تے کنیت ام عبد اللہ ہئی۔ حضور صلی اللہ علیہ و آلہٖ و سلم نے سن 11 نبوی وچ حضرت عائشہ نال نکاح کیتا تے 1 ہجری وچ انہاں دی رخصتی تھئی۔ انہاں نے حضور صلی اللہ علیہ و آلہٖ و سلم دے نال نو سال گزارے۔ حضور صلی اللہ علیہ و آلہٖ و سلم دے وصال دے 48 سال بعد بنو امیہ دے حکمران امیر معاویہ دے دور وچ انتقال تھیا۔ حضرت عائشہ کوں علمی حیثیت نال عورتاں وچ سب توں زيادہ فقیہہ تے صاحب علم ہوݨ دی بنا تے چند صحابہ کرام تے وی فوقیت حاصل ہئی۔ فتوے ݙیندے ہن تے کثیر احادیث انہاں توں مروی ہن۔