حضرت سودہ بنت زمعہ رضی اللہ عنہا
حضور صلی اللہ علیہ و آلہٖ و سلم نے حضرت خدیجہ دے انتقال دے بعد حضرت سودہ بنت زمعہ نال شادی کیتی۔ جیہڑے قریش دے ہک قبیلے عامر بن لوی نال تعلق رکھدے ہن۔ انہاں دی پہلی شادی سکران بن عمرو نال تھئی ہئی۔ جنہاں دا انتقال تھی ڳیا تاں 7 رمضان (بعض روایات وچ شوال) سن 10 نبوی وچ حضور صلی اللہ علیہ و آلہٖ و سلم دے نکاح اچ آئے تے حضرت عمر فاروق دے زمانۂ خلافت وچ انتقال فرمایا۔ سخاوت و فیاضی انہاں دے اوصاف دے نمایاں پہلو ہن۔