حضرت خدیجہ رضی اللہ عنہا

آنحضرت صلی اللہ علیہ و آلہٖ و سلم نے 25 ورہیے دی عمر اچ مکہ اچ حضرت خدیجہ نال شادی کیتی۔ ایں طرح حضرت خدیجہ پہلی خاتون ہن جیہڑے حضور صلی اللہ علیہ و آلہٖ و سلم دے نکاح اچ آئے۔ انہاں دا ناں خدیجہ تے لقب طاہرہ ہئی۔ انہاں دے والد دا ناں خویلد تے والدہ دا ناں فاطمہ ہئی۔ حضور صلی اللہ علیہ و آلہٖ و سلم دے نکاح وچ آوݨ توں قبل انہاں دا نکاح پہلے ابو ہالہ بن بناش تمیمی نال تھیا ہئی۔ انہاں دے بعد عتیق بن عابد مخزومی دے نکاح وچ آئے۔ انہاں دے انتقال دے بعد 40 سال دی عمر وچ حرم نبوت وچ داخل تھئے تے ام المؤمنین دا شرف حاصل تھیا۔ پاکیزہ اخلاق دی بدولت طاہرہ دے لقب نال مشہور ہن۔ آنحضرت صلی اللہ علیہ و آلہٖ و سلم کوں نبوت ملی تاں نبوت دی تصدیق دے نال نال سب توں پہلے اسلام گھناوݨ دی سعادت انہاں نے ہی حاصل کیتی۔ حضور صلی اللہ علیہ و آلہٖ و سلم دے نکاح وچ آوݨ دے بعد 25 سال تک زندہ رہیاں۔ نبوت دے ݙاہویں سال انتقال فرمایا۔