حضرت ام حبیبہ رضی اللہ عنہا
ام المومنین رملہ بنت ابوسفیان (عربی: رملة بنت أبي سفيان)، حضرت محمد صلی اللہ علیہ و آلہٖ و سلم دی زوجہ ہن۔ آپ دی کنیت "ام حبیبہ" ہئی۔
ابتدائی زندگی
لکھوآپ امیر معاویہ دی بھیݨ تے عرب قبیلہ قریش دے سردار ابو سفیان بن حرب تے صفیہ بنت ابو العاص دی دھی ہن۔ آپ حضرت عثمان دی مسات ہن۔ آپ دی ہک ٻئی بھیݨ دا ناں وی رملہ ہئی۔
عبید اللہ بن جحش سے شادی
لکھوانہاں دی پہلی شادی عبید اللہ بن جحش نال تھئی ہئی۔ اوہ زینب بنت جحش دے بھرا ہئی جنہاں نال حضور صلی اللہ علیہ و آلہٖ و سلم نے نکاح فرمایا ۔ آپ اپݨے پئے عبید اللہ دے نال ہجرت کر کے حبشہ (ایتھوپیا) چلے ڳئے ہن ۔ آپ دا پئے اسلام توں مرتد تھی کے مسیحی تھی ڳیا تے اوں نے آپ کوں وی معاذاللہ مرتد تھیوݨ دا آکھا لیکن آپ نے انکار کر ݙتا۔ اینہی وجہ نال انہاں وچ علیحدگی تھی ڳئی۔ اوندے بعد اپݨے سابقہ پئے دی وفات تک او اپݨی دھی حبیبہ دے نال حبشہ اچ ہی رہیاں۔
شادی
لکھوجݙݨ حضرت محمد صلی اللہ علیہ و آلہٖ و سلم کوں انہاں حالات دا پتہ چلا تاں آپ صلی اللہ علیہ و آلہٖ و سلم نے نجاشی کوں لکھا کہ او انہاں کوں حضور صلی اللہ علیہ و آلہٖ و سلم دی طرفوں پیام ݙیوے۔ ام حبیبہ نے منظور کیتا تاں حضور صلی اللہ علیہ و آلہٖ و سلم دی طرفوں حضرت خالد بن سعید بن العاص نے ایجاب و قبول کیتا تے نجاشی نے خود 400 اشرفی مہر ادا کر ݙتا، ایں طرح 6ھ ( 627ء ) وچ آپ حضرت محمد صلی اللہ علیہ و آلہٖ و سلم دے نکاح وچ آ ڳئیاں تے مدینہ تشریف گھن آئیاں۔ آپ تے حضرت خدیجہ دے علاوہ بقیہ تمام ازواج دا حق مہر 400 درہم ہئی۔
بعض روایات دے مطابق حضرت رملہ نے ہجرت دے ہک سال بعد حضرت محمد صلی اللہ علیہ و آلہٖ و سلم نال شادی کیتی۔ بعض روایات دے مطابق شادی دے وقت آپ دی عمر تریہہ ورہیے دی ہئی۔
حضرت رملہ، حضور صلی اللہ علیہ و آلہٖ و سلم دی عزت دا بہت زیادہ خیال کریندی ہن۔ ہک دفعہ آپ دے والد ابوسفیان آپ نال ملݨ آئے تے حضور صلی اللہ علیہ و آلہٖ و سلم دی چادر تے ٻہݨ لڳے تاں آپ نے فورا حضور صلی اللہ علیہ و آلہٖ و سلم دی چادر چا کے اپݨے والد ابوسفیان کوں آکھا کہ تساں این چادر تے نی ٻیہہ سڳدے کیونکہ تساں نجس ہو۔ اوں وقت تک ابو سفیان مشرف بہ اسلام نہ تھئے ہن۔
اولاد
لکھوپہلے شوہر توں آپ دے ہک لڑکا عبد اللہ تے ہک لڑکی حبیبہ ہئی۔ اونہی بیٹی حبیبہ دی وجہ توں آپ دی کنیت ام جبیبہ پئے ڳئی۔ آنحضرت صلی اللہ علیہ و آلہٖ و سلم توں کوئی اولاد نہ تھئی۔
وفات
لکھوحضرت رملہ خلافت امویہ وچ اپݨے بھائی امیر معاویہ دے دورِ خلافت وچ 45ھ ( 665ء ) وچ وفات پا ڳئے تے آپ کوں جنت البقیع وچ دفن کیتا ڳیا۔
روایات
لکھوآپ توں صحیحین وچ تقریباً 55 احادیث منقول ہن۔