حسن ابدال

پنجاب وچ ضلع راولپنڈی دا ہک اہم شہر اے. اے پہاڑی علاقہ اے تے اتھوں دی ٻولی پوٹھوہاری اے.اتھاں سکھاں دا ہک ٻہوں مقدس مقام گردوارہ پنجا صاحب وی موجود اے جتھاں پوری دنیا دے سکھ یاتری زیارت واسطے آندے ویندے رہندن.

حسن ابدال دا ہک ݙوجھا اہم مقام حضرت بابا ولی قندھاری دا مزار اے جیہڑا پہاڑ دی چوٹی تے ہے. جتھاں ونجݨ واسطے خطرناک چڑھائی چڑھنی پوندی اے مگر درمیان وچ ونج کے انسان دی ہمت جواب ݙے ویندی اے. ایں واسطے درمیان وچ ہک آرام واسطے جگہ بݨائی ڳئی اے جتھاں لوگ سہی کڈھدن تے ول اتے ویندن حتٰی کہ مزار تے پہنچ کے انسان نڈھال تھی ویندے مگر اتھاں پاݨی دا وسیع انتظام ہوندے. اتھوں پورے حسن ابدال شہر تے ارد گرد دے پہاڑی دیہاتاں دا نظارہ کیتا ونج سڳدے. جس پہاڑ دے نال تلے گردوارہ پنجا صاحب اے، اوں پہاڑ دی چوٹی تے اے مزار اے جتھوں دی حاضری ہک عمدہ تجربہ ہوندی اے.