حافظ ملک محمد صاحب

حضرت حافظ ملک محمد صاحب رح نابینا ہن، وݙے خوش الہان حافظ ہن، سچے عاشق رسول ہن، انہاں دے بے شمار مولود شریف ہن جہیڑے ھر خوشی تے غمی دے موقع تے پڑھے ویندن، ہݨ تاں او ٹولیاں مک گئین، ورنہ رمضان المبارک وچ سحری دے وقت حافظ ملک محمد صاحب رح دے مولود شریف پڑھدے ھوئیے مولودی لوکاں کوں جگیندے ہن، پورا رمضان شریف ءچ انہاں دے مولود شریف ہݨ وی پڑھئیے ویندن، وݙے باغ دے ناں نال منسوب مسجد وچ درس وتدریس ݙیندے ہن، سینکڑیاں شاگرداں کوں حافظ قرآن کیتا، انتہائی اللہ والے ہن،  نواب سر صادق محمد خان دے والد نواب صاحب دے بلہپݨ ءچ وفات تھی گئیے ہن، نواب سرصادق محمد خان دی تاج پوشی دے موقع تے انہاں کوں خصوصی دعا کیتے س ݙیا گییا، آپ نے انہاں دے والد تے ھجو پڑھی، نواب صاحب آپݨے والد دی جدائی تے لکھی گئیی ھجو تے رووݨ لگ پئیےول آپ نے نبی کریم دی شان ءچ مولود پڑھئیے، نواب صاحب خوش تھی انہاں کوں تاج پوشی دے بعد حج تے نال گھن ونجݨ دی خواھش دا اظہار کیتا، تاں آپ نے فرمایا کہیں مستحق کوں گھن ونج، نواب صاحب حج دے موقع تے حصرت حافظ ملک محمد صاحب رح کوں بیت اللہ ءچ طواف کریندے ݙٹھا، ،واپسی تے انہاں نے حافظ ملک محمد صاحب رح کوں دعا کراوݨ کیتے پیغام بجھوایا لیکن پتہ لگییا کہ آپ دا احمدپورشرقیہ ءچ حج دے ݙیہنہ کوں وصال تھیی گییا ھا، جبکہ نواب صاحب نے انہاں کوں حج دے ݙیہنہ  بیت اللہ ءچ طواف کریندا ݙیھٹا ، آپ دی قبر فتانی محلے دے قبرستان ولو والا ءچ ھییے،