جھوک کہاݨی
جھوک سرائیکی دا اجراء 1990 وچ خانپوروں تھیا. ایندے ڈیکلریشن دی منظوری میݙے چاچا سئیں خواجہ محمد ادریس نے کرائی جیندا اعتراف جھوک پبلشرز نے اپݨی کتاب وچ وی کیتے. جھوک جیہرا ہک قومی اخبار ہائی اتے ایندے چلاونوݨ اتے کامیاب کرݨ کیتے وسیب نے دل دامے، درمے، قدمے، سخنے تعاون کیتا. کراچی توں تعلق رکھݨ آلے سرائیکی زبان دے ودھارے کیتے کم کرݨ آلے ادارے نے لکھاں روپے دا چیک ݙتا او چیک میں خود خانپور جھوک دے دفتر پڄایا. مگر افسوس اتنے وݙے کنٹری بیوشن کرݨ آلیاں نال سئیں ہوݨی سلام علیکی دے وی روادار کئینی.
میں اتے میݙے ساتھی طالبعلماں نے ایں اخبار کوں پروموٹ کرݨ کیتے اݨ کھٹ بے لوث اتے سرائیکی زبان و ادب دے ودھارے کیتے کم کیتا. ایں اخبار دے کرتا دھرتا اتے مالک اڄ جو کجھ وی ہن ایں اخبار دی وجہ توں ہن. مگر افسوس دی ڳالھ ھ جو انہاں نے اے اخبار سرائیکی وسیب دے تقریبا ہر معتبر اتے قومپرست لیڈر دی کردار کشی کیتی جیندی زد وچ اپݨے محسن خواجہ ادریس صیب کوں نی بخشیا. اڄ ایں اخبار دا ڈیکلریشن چار شہریں وچوں منظور ھ مگر اے صرف ہک ڈمی اخبار ھ. اے کاغذ دا کوٹہ دا غبن اتے سرکاری اشتہار غپٹاؤ کرݨ دا بہانہ بݨ چکے. ایں وقت سرائیکیاں کوں اپݨا میڈیا بݨاوݨ دی لوڑھ اے. ایں اخبار دے بانی ایڈیٹر محترم سئیں منیر احمد دھریجہ صیب ہن ٻہوں عظیم اتے سرائیکی زبان کیتے محبت کرݨ آلے انسان ہن.اللہ سئیں دا بخش ہوونے. آمین اڄ انہاں دا ناں وی نی گھدا ویندا نہ ہی انہاں دی اولاد دا ادارہ جھوک وچ کوئی عمل دخل ݙتا ڳے۔ عبید خواجہ۔ [١]