جھومر

سرائیکستان دا قدیم تے مقامی رقص جھمر دے ناں نال ڄاݨیا ویندا اے. جھمر دے وقت جسم دے تمام اعضاء حرکت وچ ہوندن ، پیر تے ٹنگاں ہک ترتیب نال حرکت کریندن ، سر تے گردن جسم دے نال گردش وچ ہوندے ہن تے نال ہی ساہ دی آمد و رفت معمول توں ودھ ویندی ہے۔ بڑے دلکش انداز وچ جھومری رقص کریندے ہوئے لوگاں دے دلاں کوں بہلیندن جس نال طبعیت کوں قرار آ ویندا ہے۔ طاق تے ماہر جھومری جݙݨ شوق تے محبت وچ ڈب کے جھمر مریندن تاں انہاں دی جھمر ݙیکھݨ نال تعلق رکھدی ہے تے بے ساختہ جھومریاں دے ہتھ چمݨ کوں دل کریندا ہے.