جنرل اختر عبدالرحمان

اختر عبد الرحمن ہک مشہور پاکستانی فوجی جرنیل ہن۔ 11 جون 1924ء کوں پشاور وچ پیدا تھئے، جتھاں انہاں دے والد ڈاکٹر عبد الرحمن سرکاری ملازم ہم۔ ڈاکٹر صاحب ایں توں قبل افغانستان دے بادشاہ امان اللہ خان دے ذاتی معالج رہ چکے ہن۔ 1928ء وچ والد دی وفات دے بعد انہاں دی تعلیم و تربیت والدہ دی نگرانی وچ تھئی۔ اچھے طالب علم تے اچھے اسپورٹس مین وی ہن ۔ 1945ء وش گورنمنٹ کالج لاہور توں ایم اے معاشیات دی ڈگری گھنݨ دے بعد فوج وچ ملازم تھی گئے۔

حالات زندگی

فروری 1947ء وچ فوج وچ باقاعدہ کمیشن ملا۔ قیام پاکستان دے وقت مشرقی پنجاب وچ تعینات ہن۔ اوں دور وچ انہاں نے انہاں مہاجرین دی بڑی مدد کیتی جیہڑا بھاہ تے خون دا سمندر پار کر کے لٹے پٹے پاکستان پہنچے ہن۔ 1948ء وچ کشمیر دے جہاد وچ حصہ گھدا۔ ستمبر 1965ء دی پاک بھارت جنگ وچ لاہور دے قریب برکی دے محاذ تے داد شجاعت ݙتی۔ 1971ء دی جنگ وچ قصور دی سرحد تے ہک بریگیڈ دی قیادت کریندے رہے۔ 1978ء وچ پاک آرمی دے ایجوٹنٹ جنرل تے 1979ء وچ ڈائریکٹر انٹلجینس مقرر تھئے۔ روس افغانستان دی جنگ وچ تدبر تے احتیاط دے نال منصوبہ بندی کر کے روس جیہی طاقت کوں شکست کھاوݨ تے مجبور کیتا۔ فوجی ملازمت وچ نمایاں کارکردگی تے ستارہ بسالت، ہلال امتیاز تے نشان امتیاز دے اعزازات ݙتے گئے ۔17 اگست 1988ء کوں بہاولپور دے قریب ہوائی جہاز دے حادثے وچ صدر مملکت جنرل ضیاء الحق تے ݙوجھے اکابرین دے نال جاں بحق تھئے۔ انہاں دے صاحب زادے ہمایوں اختر نے عملی سیاست وچ حصہ گھدا ہے تے کئی مرتبہ وزیر وی رہ چکے ہن۔