جن

جن دا لغوی معنی ہن چھپی ہوئی مخلوق۔ اسلامی عقیدے دے مطابق ایسی نظر نہ آوݨ والی مخلوق جیندی تخلیق بھاہ نال تھئی ہے۔ جب کہ انسان تے ملائکہ بالترتیب مٹی تے نور نال بݨائے ڳن۔ جناں دے متعلق خیال کیتا ویندے کہ اوہ مختلف قسم دے روپ بدلݨ دی صلاحیت رکھدن۔ قرآن و حدیث اچ جنات دا ذکر آیا ہے۔ قرآن شریف اچ جنات دے ناں تے ہک پوری سورت ”سورہ جن“ موجود ہے۔ جیندی ابتدا ایں آیت نال تھیندی ہے کہ جناں نے رسول اللہ صلی اللہ علیہ وآلہٖ وسلم کوں قرآن پڑھدے سݨا تے ایں کلام کوں عجیب و غریب پاتا تاں اپݨے ساتھیاں کوں ݙسا تے اوہ سب مسلمان تھی ڳئے۔