جمیعت اتحادِ عثمانی

جمعیتِ اتحاد و ترقی، اتحاد و ترقی جمعیتی (ترکی: İttihad ve Terakki Cemiyeti، انگریزی: Committee of Union and Progress) سلطنت عثمانیہ وچ 1889ء وچ قائم کردہ ہک خفیہ انجمن ہئی جیہڑے پہلے جمعیتِ اتحادِ عثمانی یا اتحاد عثمانی جمعیتی (İttihad-ı Osmanî Cemiyeti) دے ناں نال قائم کیتی گئی۔ ابراہیم تیمور، عبد اللہ جودت، اسحاق شوکتی تے حسین زادہ علی ایندے بانی ہن۔ بعد ازاں 1906ء وچ بہاء الدین شاکر نے نوجوانان ترک دے تحت اینکوں سیاسی تنظیم بݨا ݙتا۔ 1908ء توں 1918ء دے دوران اینکوں بھرپور قوت حاصل رہی۔ جنگ عظیم اول دے اختتام تے سلطان محمد ششم نے ایندے کئی اراکین کوں سزاواں سݨا ݙتیاں تے کئی پابندِ سلاسل کر ݙتے گئے۔ 1926ء وچ اتاترک کوں قتل کرݨ دی مبینہ سازشاں وچ ملوث ہووݨ تے ایں تنظيم دے متعدد ارکان موت دے گھاٹ اتار ݙتے گئے۔ بقیہ اراکین نے جمہوریت خلق پارٹی (ترکی: Cumhuriyet Halk Partisi) دے ناں نال سیاسی سفر جاری رکھا۔