جعفر ڄام

جعفر ڄام سرائیکی زبان دا شاعر ہے۔ کوٹ سلطان ضلع لیہ نال تعلق ہے۔ بانگ ادبی فورم دا کرتا دھرتا ہے۔

تعلیم

بی ایس سی ریاضی تے فزکس وچ ہے

نمونہ کلام

"غزل"

چُپ چُپاتی آواز عَرصے تُوں.

ہِک ڈَسایا ہا رَاز عَرصے تُوں.

شَام تھِیونڑ تُوں پہلے وِگڑیا ہا.

مِیڈی زِندگی دا سَاز عَرصے تُوں.

ہِک مُحبّت دی بَس دُعا مَنگدائے.

رُوز پَڑھ پَڑھ نَماز عَرصے تُوں.

تُوں تَاں گَاری دِی خَیر مَنگدا رَہیں.

گِیا اُڈریا ہا بَاز عَرصے تُوں.

جِہڑےجَعفّر کُوں تُوں وَدا لَبهدائیں.

اُو تَاں مَر گئے دَراز عَرصے تُوں.

نظم

جعفر ڄام دی سوہݨی نظم

اساں کِھل مُسکار درختاں دی

اساں ٹٻیوں اُݙدی ݙاب میاں

پُھل کیکراں دے چھاں ٹاہلیں دی

آ ٻِہہ لحظہ ہاں ٹھار میاں

چُپ چاپ چودھار چوراہے ت

جُگ جگنو دا چمکار میاں

خشبواں ویڑھے ٻٻری دیاں

سنُگھ ہیل چنبیلی رات میاں

روہ ریت پریت دیں ٻاہواں ت

کھنب کتھڑے پکھ اݙراک میاں

تس پپلیں تردی شام وانگوں

ٹُوئے ٹوبھیں بخشی ݙات میاں

بھوئیں کِݨ مِݨ وسدی بارش وچ

پُھل پیلے سرمی جھال میاں

کجھ چِل چِل چِلکدیں چیڑیں دی

کجھ لٹھیاں دا غوٹکار میاں

بلبل دی مٹھڑی ٻولی تے

کوئی کِھمݨ کھمدی دھم ڳئی اے

ساݙی اکھ ءچ ساویں ڄالیں دی

سِک بوچھݨ تاݨ ت سم ڳئی اے

نظم

سک

وݙی شئے نی ہوندی

وسمیا رہوݨ چھوڑ ݙے

یار جیوݨ دا ݙا سکھ

مونجھ مونجھ ہوندی ء

لُگا کر ݙیندی ء

توں نئیں ڄانڑدی

رات دے اندھار وچ

ݙیوے دے

سوجھل ءچوں نکلݨ آلیاں لاٹاں

تیݙیں زلفیں دی

چمکݨ دی نقل ء

تیݙیں اکھیں دی

نیلک اسمان چا ڳئے

تیݙی چیلک چیڑیں دی

چِل چِل ہے

پپلیں دی لسک چندر وچ ہے

وینڑیں دیں ونگیں دا

چھݨکار موسم بہار کر ݙیندیں

یاد ٻئ کائنی جیویں

کیویں بھل سگدے بندا

تیݙا ہوݨ

نہ ہووݨ نی تھی سگدا

جعفرؔ جام