جعفر زٹلی
| جعفر زٹلی | |
| ڄم پل: | 1658ء، دہلی، نرنیال موجودہ ہریاݨہ |
| وفات: | 1716ء، سزائے موت |
| کم : | طنزیہ، مزاحیہ اردو شاعری |
جعفر زٹلی (1658ء – 1716ء)[١] اصل ناں محمد جعفر ہئی، زٹلی تخلص رکھا۔ زٹلی دے لغوی معنی بے ربط گفتگو کرݨ والا ہے ۔ سید گھراݨے وچ پیدا تھئے۔ زیادہ تر زندگی دا حصہ دہلی دے آس پاس گزرا۔ زٹلی نے لکھݨ دا آغاز مغل بادشاہ اورنگزیب دے دور وچ کیتا تے اورنگ زیب تے بہت زیادہ تنقید دے نال نال انہاں نے اورنگ زیب دے انتظامی صلاحیتاں دی تعریف وی کیتی ہے۔ اورنگزیب دے بعد دا دور مغلیہ سلطنت دے زوال دا دور ہئی ایہا وجہ ہے کہ انہاں نے اپݨی شاعری وچ مغلیہ دور حکومت تے بہت زیادہ تنقید کیتی۔ مغلیہ دور دے معاشی تے سیاسی حالات تے بادشاہ وقت دے خلاف اپݨی آواز شاعری دے ذریعے بلند کیتی اتھاں تک کہ بادشاہ وقت دے خلاف احتجاج دے وقت وی انتہائی غصے دے نال اپݨی رائے دا اظہار کیتا جیندی وجہ توں انہاں کوں مغل شہنشاہ فرخ سیر نے پھانسی [١] دی سزا سݨائی جیندے تے 1716ء وچ جتی دے تسمے نال گلا گھٹ کے عمل کیتا ڳیا۔
حوالے
لکھو- ↑ ١.٠ ١.١ cite book | author=محمد فاروق خان | location=علی کڑھ، بھارت | pages=9 | publisher=علی کڑھ مسلم یونیورسٹی | title=اردو کا زندانی ادب | url=http://shodhganga.inflibnet.ac.in:8080/jspui/handle/10603/57701 | year=2011ء | archiveurl=https://web.archive.org/web/20181225080713/http://shodhganga.inflibnet.ac.in:8080/jspui/handle/10603/57701%20 | archivedate=2018-12-25 | access-date=2018-11-16 | url-status=live