جزیرہ ہفت تلار

جزیرہ ہفت تالار یا جزیرہ استولا بحیرہ عرب وچ ہک چھوٹا غیر آباد پاکستانی جزیرہ ہے۔ ایندا ساحل دے قریب ترین حصہ جنوب وچ تقریبا 25 کلومیٹر (16 میل) تے پسنی دی ماہی گیری بندرگاہ دے جنوب مشرق وچ 39 کلومیٹر (24 میل) دے فاصلے تے واقع ہے۔

جزیرہ ہفت تالار پاکستان دا سب توں وݙا سمندری جزیرہ ہے۔ ایہ تقریباً 6.7 کلومیٹر (4.2 میل) طویل تے 2.3 کلومیٹر (1.4 میل) چوڑا جبکہ ایندا رقبہ تقریباً 6.7 مربع کلومیٹر (2.6 مربع میل) ہے۔ ایندا بلند ترین نقطہ سطح سمندر توں 246 فٹ (75 میٹر) ہے۔ جزیرہ صوبہ بلوچستان ضلع گوادر دی تحصیل پسنی دا حصہ ہے۔ جزیرے تک پہنچݨ کیتے پسنی توں موٹر کشتیاں حاصل کیتے ونڄ سڳدن جبکہ ایندی مسافت تقریباً 5 گھنٹے ہے۔