جاوید آصف ہوراں دے بارے

سئیں آصف جاوید ہوریں ہک ترقی پسند روشن خیال زیرک صحافی ہن جیہڑے کینیڈا ءچ مقیم ہن۔ مادری زبان اُتے انھاں دا اے مضمون بلعموم قومیتی تحریک دی اہمیت تے بلخصوص مزاہمتی سرائیکی قومیتی تحریک کوں سمجھن کیتے بنیادی قاعدہ توں گھٹ کوئی نئیں۔-------- سرائیکی تے بنگالی تحریک ءچ نبیادی مشترکہ ترکیب ہکو سویں ہے ۔۔۔۔۔ بنگالی تحریک "ہک پاڑاں لتھی موسیقیت آلی زبان تے ڈوجھی پٹسن دی آمدنی نال ڈھڈ دا رشتہ" بلکل اینویں سرائیکی تحریک " جو تصوف دے رنگ ءچ رنگی موسیقی آلی زبان تے کپاہ پُھٹی دی آمدنی نال جُڑیا ڈھڈ دا رشتہ " ۔۔۔۔۔۔۔۔۔۔ اساڈےبہوں سارے دانشور اے خیال کریندن جو سرائیکی کوئی قومیتی تحریک نئیں البتہ ہک لسانی تحریک ہے جیندے نال میکوں فکری اختلاف ہے پر جیکر بلفرض ایں گالھ کوں من گدا ونجے تاں وی بنگالیاں دا شانتی نکیتن تے ٹیگور دا قلم ہک بیڑی آلے مچھوارے دی زبان اپنی لسانی تحریک کوں قومیتی تحریک تئیں گھن ویندی ہے۔ جیہڑی ول حد بنے دی پرواہ نئیں کریندی جیکر جو کوئی ڈوجھی زبان ءچ مقامی دھرتی واسی کوں مندا نہ کڈھے۔ شہزاد عرفان