تہمینہ درانی

تہمینہ درانی (انگریزی: Tehmina Durrani) (ڄَمَّݨ دی تَرِیخ: ١٨ فروری ١٩٥٣ء) ہِک پاکستانی مصنف زنانی، فنکارہ اَتے زنانیاں اَتے ٻالاں دے حقوق کِیتے سرگرم کارکن ہِن۔ اِنّھاں دی پہلی کتاب "مائی فیوڈل لارڈ" (١٩٩١ء) نے اپݨے سیاسی طور تے مہان٘درے جاں جو بد سلوکی کرݨ آلے پئے مصطفیٰ کھر دے سنسنی خیز انکشاف دی وجہ کنوں قدامت پسند پاکستانی معاشرے کُوں جھنجھوڑیا۔

تہمینہ درانی دی ١٩٩٤ء وِچ ہِک فنگشن دے دوران گِھدّی ڳئی تصویر

عبد الستار ایدھی دے نال اِنّھاں دی خدمتاں دا ترے ورھیاں دا دور تبدیلی اَتے حیاتی بدلݨ آلا ہئی۔ اِین٘دے نتیجے وِچ اِنّھاں نے اپݨی (بیان کردہ) سوانح عمری، "اے مرر ٹو دی بلائنڈ" (١٩٩٦ء) دی تصنیف کِیتی۔ ایدھی دے اثر تے رسوخ نے اِنّھاں کُوں سماجی کَمّاں کَن چِھکّیا اَتے اِنّھاں نے "تہمینہ درانی فاؤنڈیشن" بݨائی، جین٘دا مقصد ایدھی دے "انسانیت پسندی" دے طریقے کوں اڳّوں تے ودھاوݨ اَتے پاکستان کوں ہِک سماجی بہبود دی ریاست دے طور تے اِنّھاں دے وژن کُوں اڳّوں ودھاوݨ ہِے۔

٢٠٠٣ء وِچ اِنّھاں دی شادی سیاست دان شہباز شریف نال تھئی۔

حیاتی دا احوال

تہمینہ درانی، کراچی، پاکستان وِچ ڄَمی ہئی اَتے پَلّی وَدّھی، سٹیٹ بنک آف پاکستان دے پِچھوکڑ گورنر اَتے پاکستان انٹرنیشنل ائیر لائینز دے منیجنگ ڈائریکٹر شاکر اللہ درانی دی دِھی ہِن۔ تہمینہ درانی دے ݙاݙا میجر محمد زمان درانی ہَن۔ تہمینہ دی اَماں، ثمینہ درانی، نواب سر لیاقت حیات خان دی دھی ہِن، جیڑھے پٹیالہ دی پِچھوکڑ ریاست دے وزیرِ اعظم ہَن۔ سر لیاقت حیات خان دے بِھرا، سر سکندر حیات خان، ١٩٤٧ء تُوں پہلاں دے پنجاب دے وزیرِ اعظم، ہِک سیاست دان اَتے اڳواݨ ہَن۔

ستارھاں ورھیاں دی عمر وِچ، اِنّھاں دی شادی انیس خان نال تھئی، اَتے اِنّھاں دی ہِک دِھی تھئی۔ درانی اَتے خان نے ١٩٧٦ء وِچ طلاق گِھن گِھدّی۔ درانی نے بعد وِچ غلام مصطفیٰ کھر نال شادی کِیتی، جیڑھے پنجاب دے پِچھوکڑ وزیرِ اعلیٰ اَتے گونر ہَن۔ کھر نے پنڄویں واری شادی کِیتی ہئی۔ درانی اَتے کھر دے چار ٻال تھئے۔ کھر دی طرفُوں کئی ورھیاں تئیں بد سلوکی بھوڳݨ دے بعد اِنّھاں نے اپݨی چوݙاں ورھیاں دی شادی کوں طلاق تے مُکا چھوڑیا۔

تہمینہ درانی عبد الستار ایدھی دے نال۔ تصویر: شہناز من اللہ۔

عبد الستار ایدھی نال کَم کار

اپݨے پچھوکڑ پئے مصطفیٰ کھر، جیڑھے ہِک سیاسی اڳواݨ ہَن، دے ذریعے کئی ورھیاں تئیں سیاسی نمائش دے بعد، اَتے بد عنوانی دے خلاف اپݨے پورھیے وِچ، اِنّھاں نے محسوس کِیتا جو جیڑھا جواب اُوہ لبھین٘دی ودی ہِن اُوہ سیاستداناں دے ذریعے ناں آسن۔ اپݨی ڳویڑ وِچ کہِیں اِیہو جئیں بندے کُوں ڳویڑاں جیڑھا عام مُݨس دے مسئلیاں نال رابطہ رکھین٘دا ہووے اَتے جئیں اِنّھاں دا حل کِیتا ہووے، اِیکُوں پاکستان دے سبھ تُوں مہان٘درے مُݨس ٻیلی عبد الستار ایدھی لبھ پئے۔

فن دا کَم کار

تہیمنہ درانی پینٹر / مصورہ وی ہِن۔ اُوہ آہْدی ہِن جو اِنّھاں نے تحریر تُوں انج آرٹ دے ذریعے اپݨے جذبیاں دے اظہار دا ہِک طریقہ لبھیا ہِے۔

ٻاہرلے جوڑ

• The South Asian Women's NETwork: Tehmina Durrani (Account of Sawnet.org has been suspended. 8 October 2015.)
• Najeeb M. Her fearless pen – Mid-Day 26 October 1998 (Dead link 8 October 2015)
• Swarup H. Sending ripples in Pak society The Tribune, India. 1 November 1998. (Accessed 8 October 2015)
• Akram J. Crime July 2001 (Dead link 8 October 2015)
• Durrani T. Time for renaissance – Religion – Islam New Internationalist, Jan–Feb 2002 (Dead link 8 October 2015)
• Ali S. Help for Pakistan's acid attack victims BBC News, Islamabad, 4 August 2003 (Accessed 8 October 2015)
• Jacinto L. Acid Attacks: A Brutal Crime of Passion American Broadcasting Corporation, 3 September 2003. (Accessed 8 October 2015)
• Ali S. Out Of The Realm Of Fear Verve online archives. 4th Quarter 2003. (Accessed 8 October 2015)
• Punjab's ex-CM Shahbaz Sharif confirms Marriage with Tehmina Durrani 7 February 2005 (Dead link 8 October 2015)
• Pakistani Women’s Writing: Voices of Progress University of Sindh. 2006 (Dead link 8 October 2015)
• Omar S. Breaking the Silence in Tehmina Durrani's My Feudal Lord 2008. (Dead link 8 October 2015)
• Anmeldelser O. and Sree S. P (ed.) Aliens among us: Reflections of women writers on women – Tehmina Durrani's Blasphemy from a Multiple Perspective Sarup & Sons, 2008. p29.  ISBN 8176258431, 9788176258432. (Accessed 8 October 2015)