تنویر سحر
اصل ناں تنویر احمد
قلمی ناں تنویر سحرؔ
جٖمنْ 1956ء
جاہ پتہ 50سرور شاہ احمد پور شرقیہ
تنویر سحرؔ منفرد لب و لہجے دے شاعر ہن خاص طور تے غزل بٖہوں ای سوہنْی لکھدن۔آپ دا نمونہ کلام حاضر ہے۔
غزل
لکھولال پھُلّاں دی قطاریں دی طرح
زخم ہن تن تے انگاریں دی طرح
گزریاں گٖالھیں تاں بٖہوں یاد آندین
رات دے بکھرے ستاریں دی طرح
اگٖلی رُت وچ میکوں گٖل لیسی ضرور
کوئی تاں بے لوث یاریں دی طرح
جیڑھا کجھ آہدوں رکھیندن دل دیوچ
کندھاں ہن بے لوث یاریں دی طرح
دور رہسوں اساں تنویرِ سحرؔ
وہندے دریا دے کناریں دی طرح