بے درد ڈھولا
ایہ ہک سرائیکی لوک گیت ہے
بے درد ڈھولا انج نئیں کریندا
گھر آیاں سڄݨاں کوں دھکا نئیں ݙیویندا
تیݙے کھوہ تے ڳئی آں، میݙی بانہہ رنجاݨی
بھل کے نہ پیساں، تیݙے کھوہ دا پاݨی
بے درد ڈھولا انج نئیں کریندا
گھر آیاں سڄݨاں کوں دھکا نئیں ݙیویندا
تیݙے کھوہ تے ڳئی آں، ݙٻا ݙاند وہندا
ہتھ جوڑی کھڑی آں، جھٹ نونہہ پیا رہندا
بے درد ڈھولا انج نئیں کریندا
گھر آیاں سڄݨاں کوں دھکا نئیں ݙیویندا
تیݙے کھوہ تے ڳئی آں، مینوں منجھ پیوا ݙے
بھولی دا چولا، اتے کاڈھ کڈھوا دے
بے درد ڈھولا انج نئیں کریندا
گھر آیاں سڄݨاں کوں دھکا نئیں ݙیویندا
تیݙے کھوہ تے ڳئی آں، توں تاں ستا پیا ہیں
ڳل لا منیساں، ݙاڈھا رٹھا پیاہیں
بے درد ڈھولا انج نئیں کریندا
گھر آیاں سڄݨاں کوں دھکا نئیں ݙیویندا
تیݙے کھوہ تے ڳئی آں، ڳل سوہا چولا
میں تاں منتاں مَنّیاں، خیریں آوے ڈھولا
بے درد ڈھولا انج نئیں کریندا
گھر آیاں سڄݨاں کوں دھکا نئیں ݙیویندا
تیݙے کھوہ تے ڳئی آں، وڳدے نی نالے
میں تاں ٹر کے آئی آں، پیراں تے چھالے
بے درد ڈھولا انج نئیں کریندا
گھر آیاں سڄݨاں کوں دھکا نئیں ݙیویندا
تیݙے کھوہ تے ڳئی آں، اوتھے ساول کیہی ہے
جتھے دل چا ݙیویوے، اوتھے کاوڑ کیہی ہے
بے درد ڈھولا انج نئیں کریندا
گھر آیاں سڄݨاں کوں دھکا نئیں ݙیویندا
تیݙے کھوہ تے ڳئی آں، بھنگڑا تماکوں
اساں جگ لٹیرے، تساں لٹیا اساکوں
بے درد ڈھولا انج نئیں کریندا
گھر آیاں سڄݨاں کوں دھکا نئیں ݙیویندا
تیݙے کھوہ تے ڳئی آں، اولوں خراب ہے
میں تاں بھل کے لائیاں، ڈھولا بے مو ہآب ہے
بے درد ڈھولا انج نئیں کریندا
گھر آیاں سڄݨاں کوں دھکا نئیں ݙیویندا
تیݙے کھوہ تے ڳئی آں، ڈٹھی جھانگل بیر ہے
سچی کر چا منصف، دل کیہندی ڈھیر ہے
بے درد ڈھولا انج نئیں کریندا
گھر آیاں سڄݨاں کوں دھکا نئیں ݙیویندا
تیݙے کھوہ تے ڳئی آں، ساوی مکئی ہے
توں تاں رٹھا وتنا ایں، میݙی نبھدی پئی ہے
بے درد ڈھولا انج نئیں کریندا
گھر آیاں سڄݨاں کوں دھکا نئیں ݙیویندا
تیݙے کھوہ تے ڳئی آں، پبری دا ٻوٹا
اساں پیگھ اݙائی ہے، ڈھولی لے لے جھوٹا
بے درد ڈھولا انج نئیں کریندا
گھر آیاں سڄݨاں کوں دھکا نئیں ݙیویندا
تیݙے کھوہ تے ڳئی آں، مینوں لگی گادھی
اندر وڑ کے رنی آں، لڳی ہر توں ݙاڈھی
بے درد ڈھولا انج نئیں کریندا
گھر آیاں سڄݨاں کوں دھکا نئیں ݙیویندا
تیݙے کھوہ تے ڳئی آں، ڳݙی پنیری
تیرے پچھے ڈھولا، مل لئی فقیری
بے درد ڈھولا انج نئیں کریندا
گھر آیاں سڄݨاں کوں دھکا نئیں ݙیویندا
تیݙے کھوہ تے ڳئی آں، ساوے کریلے
ایہو ڈھول منایا کل دیگر ویلے
بے درد ڈھولا انج نئیں کریندا
گھر آیاں سڄݨاں کوں دھکا نئیں ݙیویندا
تیݙے کھوہ تے ڳئی آں، رنگلے کچاوے
سڄݨاں دے پاسیوں ٹھنڈی واء پئی آوے
بے درد ڈھولا انج نئیں کریندا
گھر آیاں سڄݨاں کوں دھکا نئیں ݙیویندا