بینا شاہ

بینا شاہ (انگریزی: Bina Shah) (ڄَمَّݨ دا سال: ١٩٧٢) کراچی وِچ رہوݨ آلی ہِک پاکستانی مصنف زنانی، کالم نگار اَتے بلاگر ہِن۔

تعلیم

ترے ٻالاں وِچُوں سبّھوں تُوں وݙی، بینا شاہ دی ہِک سندھی ٹَٻَّر وِچ کراچی وِچ پیدائش تھئی۔ اِنّھاں نے بی اے تعلیم حاصل کِیتی۔ ویلزلے کالج تُوں نفسیات وِچ اَتے امریکہ دے ہارورڈ گریجوایٹ سکول آف ایجوکیشن تُوں تعلیمی ٹیکنالوجی وِچ ایم ایڈ کِیتا۔ بین الاقوامی تحریری پروگرام (٢٠١١ء) دے بطورِ طالبِ عالم، شاہ آئیووا یونیورسٹی دی طالب علم ہِن۔ اُوہ بین الاقوامی مصنفین دی ورکشاپ دی حیثیّت نال ہانگ کانگ بیپٹسٹ یونیورسٹی دی فیلو وی ہِن۔

میڈیا

بینا شاہ چار ناولاں اَتے مختصر کہاݨیاں دے ݙو مجموعاں دی مصنف ہِن۔ اِنّھاں کتاباں انگریزی، اطالوی، فرانسیسی، ہسپانوی، ڈینش، چینی، جرمن، اَتے ویتنامی ٻولیاں وِچ چَھپ چُکیاں ہِن۔ اِنّھاں دا ناول "کچی چھاپہ" سن ٢٠٠٨ وِچ چَھپیّا ہئی، جاں جو سندھ دے بارے وِچ ہِک تاریخی افسانہ نگاری، ای سیزن فار شہداء ٢٠١٤ء وِچ ڈیلفینیم بوکس نے جاری کِیتا ہئی۔ بینا شاہ انٹرنیشنل نیو یارک ٹائمز اَتے ڈان کِیتے ہِک اوپن ایڈیٹ کالم نگار، کراچی پاکستان وِچ چَھپَّݨ آلے ہِک اخبار دی معاون رائے نگار وی ہِن۔ اِیں ویلے اُوہ ڈان دی کتاباں اَتے مصنفاں دے حِصّے کِیتے وی ہِک کالم لکھین٘دی ہِن۔ اِنّھاں نے الجزیرہ، ہفنگٹن پوسٹ، گارڈین، اَتے "آزاد" کِیتے وی لِکھیا ہِے۔ بینا شاہ پاکستانی ثقافت اَتے معاشرے، زنانیاں دے حقوق، چھوہِرِیں دی تعلیم، ٹیکنالوجی، تعلیم اَتے اظہارِ رائے دی اَزادی تُوں متعلق مسائل دے بارے وِچ وݙّے پیمانے تے لکھین٘دی ہِن۔ اِنّھاں دے کالم اَتے اِنّھاں دے بلاگ "فیمینستانی" نے بینا شاہ کُوں پاکستان دی ہِک مہان٘دری زنانیت اَتے ثقافت دے مبصّر دے طور تے پیش کِیتا ہِے، اُوہ بی بی سی، پی آر آئی دی دی ورلڈ اَتے این پی آر وِچ اکثر مِمھان رہن٘دی ہِن۔

کتاباں

بینا شاہ دی پہلی کتاب، "جانوروں کی دوائیاں" دے ناں نال مختصر کہاݨیاں دی جلد ٢٠٠٠ء وِچ چَھپّی ہئی۔ اِنّھاں دا پہلا ناول، "وہ خواب میں بلیو" ٢٠٠١ء وِچ الحمرا تُوں چھاپیا ڳیا ہئی۔ ݙُوجھا ناول، "دی ٧٨٦ سائبر کافی"، الحمراء نے ٢٠٠٤ء وِچ چھاپیا ہئی۔