بھٹہ

اے نسلی سرائیکی قبیلہ سوریہ ونشی راجپوتاں دی شاخ اے تے دیگر کئی راجپوت قبائل دی طرح ڄٹ دے طور تے وی شمار کیتا ویندے۔ ٻہوں سارے ماہرین ایں ڳوتھ دا تعلق ارائیں نال ملیندن ھن جہڑی کم علمی دی نشانی ھے آرائیں راجہ رائے ججہ بھٹہ دی اولاد توں ھن بھٹہ برادری أرائیں نئی بلکہ آرائیں برادری ٻھٹہ برادری توں نکھتی ھے تے ھی ڳوتھ دے ٻہوں سارے افراد خود کوں ارائیں قبیلے نال جوڑیندے وی ہن۔ کڄھ لوگاں دے مطابق بھٹہ ذات نا تے آرائیں قبیلہ ہے تے نا ہی راجپوت بلکہ ہک ڄٹ قبیلہ اے لیکن اے ڳالھ کئی وی طور تے ٹھیک کینی تاریخ وچ ٻھٹہ کوں راجپوت لکھیاں ڳئے بھٹہ قوم دے کجھ لوگ زراعت دے نال نال مٹی دے گھڑے تے دیگر برتن وی بݨیندن، ایندے علاوہ بھٹہ قوم دے کجھ لوگ کپڑا سازی دا وی کم کریندن۔ زراعت توں علاوہ مٹی دے بھانڈے تے کپڑا سازی وی انہاں دا پیشہ رہ چکیا اے۔ بھٹہ ذات دے لوگ ملتان، بہاولپور، ڈیرہ غازی خان، مظفر ڳڑھ، اوکاڑہ, بہاولنگر، سرگودھا،جھنگ،چنیوٹ،چکوال،ڈیرہ اسماعیل خان وغیرہ دے اضلاع وچ کثرت نال ملدن مگر زیادہ اکثریت ملتان شہر وچ اے تے اے سب سرائیکی ٻولیندن۔ سرائیکستان دے علاوہ لاہور، شیخوپورہ تے سیالکوٹ دے اضلاع وچ وی کافی تعداد وچ پنجابی ٻولݨ والے بھٹے موجود ہن۔ مشرقی پنجاب دا ضلع لدھیاݨہ وی پنجابی ٻھٹیاں دا مرکز سمجھا ویندے۔ مذہب دے لحاظ نال مسلم، ہندو تے سکھ ہوندن۔ مشہور افراد وچ شہزاد مقبول بھٹہ، ایم پی اے ملتان، سجاد کمال بھٹہ، ملتان، ملک حبیب اللہ بھٹہ، بہاولپور، نواز بھٹہ، گلوکار، مظفرڳڑھ، ڈاکٹر عبدالستاربھٹہ، بہاولپور، وغیرہ اہم ہن۔