بھٹو (جمیل حیدری)

اُنویں تاں ہر سیاستدان دی تقریر زہر لگدی ہے مگر میں اج وی پیپلز پارٹی دے قاتل چیئرمین زرادری کوں بی بی شھید دا قاتل پارٹی دا قاتل سمجھداں ، میڈے مطابق پیپلز پارٹی اڈھائیں دی فوت تھی چُکی ھئ جڈاں بھٹو دا جنازہ پڑھیا گیاء اُو جنازہ صرف بھٹو دا نہ ہا بلکہ او میڈی دھرتی دے ہر غریب دا جنازہ ھا،کمزور لاچار بے وس انڑ پھر نادار لوکیں دی میت دا جنازہ ھا، بھٹو دے بعد بی بی اڈھائیں تک بھٹو ہئ جڈاں تک اُوندے ناں نال زرداری دا ناں کائیناں ھا ،کجھ لوک آھدن خود بی بی وی چاھندی ہئ کہ اے جتناں عرصہ جیل ءچ رہ ونجے اُتناں پارٹی کوں فائدہ ہے واللہ عالم سچ ھے یا؟؟ بی بی دی موت دے بعد پرانڑیں ورکریں دی موت ھئ جنھیں ہر مشکل وقت ءچ پارٹی دا ساتھ ڈتا ھا اُو لوک وقت نال آسے پاسے تھی گئے اوندا نتیجہ چاریں صوبیں ءچ مقبول جماعت صرف ہک صوبے ءچ ول بچی ،اُو وی چند خاندانیں دی مرہون منت ،اگر سندھ ءچو ،چانڈیو ،تے شاہ برادری کڈھ سٹو پیپلز پارٹی دا صرف رتا پاسہ ول بچدے، جنوبی پنجاب دے سردار گدی نشین ہمیشہ وانگوں مفاد پرستیں دا ٹولہ مشہور ھے لہزا انھیں کوں کہیں پارٹی دا نہ سمجھا ونجے، خیر گال چلدی پئ ھئ زرداری دی ایندی قیادت ءچ تباہ تھیونڑ آلی پارٹی دی حکومت سندھ ءچ ھے جی اوھو سندھ جئیندے علاقے تھر ءچ روزانہ بچے بُھک مردن جتھاں بُھک موت بنڑ کے نچدی ھے میں کیویں آکھاں بھٹو زندہ ھے بھٹو اگر زندہ ھوندا تھر دے بلاول بھکے نہ مردے بھٹو اگر زندہ ھوندا چولستان دی بختاور ہک پانڑی دی بوتل تیں عزت نہ لُٹویندی ،بھٹو اگر زندہ ھوندا سندھ دی آصفہ کچرے ءچو روٹی چاء کے بڈھڑے پیئو ماء کوں نہ کھویندی میڈی سوچ دی تند تُرٹ ویندی ھے میڈے اندر دا بھٹو مر ویندے جڈاں میں ایں پارٹی دے قائد کوں ڈیھداں آپڑیں ماء بولی سرائیکی دے دشمن کوں ڈیھداں میں ایکوں کل وی منافق سمجھدا ہم اج وی اے منافقیں دا چیئرمین ھے ،پتہ نیں کینجھے کم ظرف لوک ہن جنھیں دا اے لیڈر ھے میڈا ویر ضمیر وی کوئ شئے ھے ، ہر شخص کراڑ دا بیلی نئیں ،،،،،،، جمیل حیدری