بودلہ

بودلہ وٹو راجپوتاں دا ہک حصہ ہن تے نسلی سرائیکی گروپ نال تعلق رکھدن۔ وسیب دے زیریں تے وسطی ستلج دے علاقے وچ آباد ہن۔ کجھ پشتاں توں انہاں کوں ہک مخصوص روحانی نسبت حاصل ہے جیہڑی کہیں روحانی سلسلے دی طرفوں عوام دی سیوا کیتے انہاں دے کہیں بزرگ کوں عطا تھئی ہئی۔ اے وٹوؤاں دے لڑکیاں نال شادی کریندن لیکن اپݨے بیٹیاں صرف بودلیاں کوں ہی ݙیندن۔ کجھ عرصہ پہلے تک اے ہک سیلانی قبیلہ ہن پر ہݨ ہک جاگیر دے مالک ہن۔ اے ملتان توں بہاولپور تے ول منٹگمری آئے۔ مسٹر پرسر دے مطابق کاہل بیوقوف تے احمق ہن۔ انہاں کوں جادو منتر دے ذریعے بیماریاں دور کرݨ دی طاقت دا مالک ݙسایا ویندے تے کئی افراد دے مطابق اے نوری علم دے عامل ہن۔ اے بالخصوص نانگ دے ݙنگ دا دا علاج کریندن۔ انہاں دی بددعا بڑی موثر سمجھی ویندی ہے۔ نانگ دے ݙنگݨ دا علاج کرݨ دی اہلیت ہک تاریخی عمل نال جڑی ہے جیندے وچ ہک تاریخی واقعہ غار ثور وچ نانگ دے ݙنگݨ دا ہے، جیندے اتے حضرت محمد صلی اللہ علیہ و آلہٖ و سلم نے لعاب مبارک لایا ہئی۔ ایندے علاوہ سنیاسیاں وچ ایں ناں دا ہک فرقہ وی ہے۔

مشاہیر

• سعید احمد بودلہ
• فخر مسعود بودلہ
• چیف کمشنر ریجنل ٹیکس آفس ملتان عابدرضا بودلہ
• اسلم بودلہ (رکن قومی اسمبلی، 2013/ ن لیگ / ضلع خانیوال)
• احمد امین بودلہ

علاقے

• ڄاموں بودلہ