بلاول زرداری دی ملتان آمد

بلاول زرداری دی ملتان آمد تیں، سرائیکی دے نام نھاد، خود ساختہ، ریموڈ کنٹرول لیڈر بہوں جوش ءچ ہن، انھیں جلدی جلدی زداری، بلاول، قمر زمان کائرہ دی دی گچی ءچ خود ساختہ سرائیکی اجرک جئیندا سرائیکی کلچر تیں ثقافت ءچ دُور دور دا واسطہ کائینی، بلکہ سندھ ثقافت دی نقل ھے، اُو اجرک پواء کے انھیں کنیں صرف ایھے لوظ اکھوا سگئن کہ سرائیکی میٹھی زبان ھے تیں چاریں صوبیں ءچ الائ ویندی ھے، شکر ھے نتاں ساکوں پتہ کائینا،، گھنسوں گھنسوں صوبہ گھنسوں مگر سرائیکی زبان کوں تسلیم نہ کریسوں، صوبے دا نعرہ تاں لئیسوں مگر سرائیکی صوبے دا ناں نہ گھنسوں، زرداری صاحب اگر عوام دے رش کوں ڈیکھ کے خوش تھینداں پئیں تاں اے تیڈی غلط فہمی ھے اساں سرائیکی ھئیں کتھائیں پٹھانڑ درخت کپیندے پئے ھوون ویھ بندے کٹھے تھی کے ڈیھدے ھئیں.

بُھولوں دے تماشے تیں وی کافی تعداد ءچ عوام کھڑی ھوندی ھے، بلاول بھرا، تیڈی پارٹی دی [[سرائیکی زبان|سرائیکی]] وسیب نال دشمنی کوئ اج دی نئیں تیڈے نانے سئیں دے احسان ساکوں نئیں بُھلیے بہاولپور تاں یاد ھوسی، تساں تاں ایں تقریر ءچ نواز شریف کوں وی ھرا ڈتے، نواز شریف آھدے ترقی لاھور ان ڈیکھو، تُوں آھدیں علاج سندھ ءچ ان کراؤ اُتھاں جدید ہسپتال ھن، واہ تیڈی تقریر تیں واہ ساڈے سرائیکی قوم پرست لیڈر جیرھے تھاکوں، مسیحا سمجھدن،انھیں دے اکھیں تیں تساں لالچ خود غرضی دی پٹی بدھی ھے، پر اساں اندھے نسے ساڈی خیر خواھی بعد ءچ کریں پہلے تھر پارکر ءچ بُھک توں مردے ھزاریں بچیں دا حساب ڈے، باقی ریھے سرائیکی دا چُولا پاکے تھاڈی وفاداری تیں بیعت تھئے ھوئے میر جعفر مردار، انھیں دی اوقات تاں ٹکے دی نئیں اُو تاں اُوڈ دی کُتی وانگوں نہ اِیڈوں دے ھن نہ اُوڈوں دے ھن، صوبہ ساڈا حق ھے پاکستان کہیں دے پیؤ دا نئیں اساں ساریں دا ھے، مگر صوبہ سرائیکی قوم کوں بھیک ءچ گھنڑاں پسند کائینی، زور نال گھنسوں، زرا غلامی دا زنگ لہنڑ ڈیو وت رنگ ڈیکھیں.