بابل دے معلق باغات (Hanging Gardens of Babylon) دنیا دے سات قدیم عجائبات وچوں ݙوجھے نمبر تے شمار تھیندن تے ایہ اوہ واحد عجوبہ ہے جیندا اصل مقام حالی تک معلوم نی تھی سڳا۔ چھیویں صدی قبل از مسیح وچ بنو کد نضر (بخت نصر) (Nebuch Adnezzar) دے عہد وچ بابل (عراق) وچ کلدائی سلطنت دا احیاء تھیا تاں اوں نے اپݨی ملکہ شاہ بانو کیتے ایہ عظیم الشان باغات تعمیر کرائے جیں نے اپݨے وطن دے سبزہ زار تے حسین وادیاں کھو ݙتے ہن ۔ ایہ بابل (عراق) دے شہر وچ واقع ہن۔ ایہ شاہی باغ دے طور تے استعمال تھیندے ہن۔ انہاں باغات دی اچائی 80 فٹ ہئی۔ ایہ باغات حقیقتاََ معلق نہ ہن بلکہ اینجھی جگہ لائے ڳئے ہن جیہڑے درجہ بدرجہ بلند تھیندے ہوئی ساڈھے ترئے سو فٹ تک پہنچ ڳئے ہن۔ انہاں درجیاں دی تعمیر وچ ایں اَمر دا خیال رکھا ڳیا ہئی کہ زمین اینجھی ہووے کہ نہ درختاں دی نشونما وچ کمی آوے، نہ ہی پاݨی دی زائد مقدار تلویں درجیاں وچ ونڄ دیگر باغات کوں خراب کرے۔

Hanging Gardens of Babylon

حوالے لکھو