بابل دا برج
بابل دے برج (انگریزی: Tower of Babel) کوں مینار بابل وی آہدن۔ ایہ سمیری تہذیب دی قدیم ترین یادگاراں وچوں سب توں اچی عمارت ہئی۔ توریت دی کتاب پیدائش دے مطابق اینکوں شینار (موجود عراق) دے میدانی علاقے وچ تعمیر کیتا ڳیا ہئی تے پتھر دی بجائے پختہ سلہاں لائے ڳئے ہن۔ مخروطی شکل دی ایہ ست منزلہ عمارت 300 فٹ اچی ہئی۔ بعض روایات دے مطابق ایہ برج یا مینار حضرت نوح دے بعد دے نسلاں نے بݨایا ہئی تے اوں زمانے دا بادشاہ اوندے ذریعے آسمان تک پہنچݨا چاہندا ہئی۔ سب توں پہلے اوں مینار دے بنیاداں ہک یورپین نے 1914ء وچ دریافت کیتے۔ لیکن مدت تعمیر دا اندازہ ول وی نہ تھی سڳا۔ توریت دا زمانہ تقریباً 2200 ق م دا ہے۔ سمیری تہذیب تقریباً پنج ہزار سال ق م پراݨی ہے۔ مینار بابل دراصل رصدگاہ دی قدیم ترین عمارت ہئی جیندے تے آوݨ والے نسلاں نے افسانوی رنگ چڑھا ݙتا۔
_-_Google_Art_Project_-_edited.jpg)