ایم ڈی گل
ایم ڈی گل دا تعلق بہاولپور توں ہئی ۔انہاں دا اصل ناں محمد دین گل ہئی ۔ انہاں ریڈیو پاکستان بہاولپور توں اپݨے کیریئر دا آغاز کیتا تے ریڈیو پاکستان ملتان نال وی جڑیے رہیے ۔ ایندے توں علاوہ انہاں مختلف سکولاں اچ پتلی تماشے وی کیتے۔ بعد اچ او کراچی ڳئے تے این ٹی ایم اتے وسیب ٹی وی نال رل ڳئے ۔وسیب ٹی وی دے سابق پروگرام منیجر توقیر بیگ نے اے پی پی نال ڳال مہاڑ کریندے ہوئیں ݙسا کہ ایم ڈی گل دے فوت تھیوݨ نال سرائیکی وسیب اداکار اتے منفرد میزبان توں محروم تھی ڳئے ۔ ایم ڈی گل نے این ٹی ایم اچ انہاں دے رلے ڈرامہ سیریل "ڈیڈی" اچ کم کیتا ۔ ایندے توں علاوہ این ٹی ایم دے مشہور ڈرامہ سیریل ”پس آئینہ “ سمیت مختلف ڈرامیاں اچ اپݨاں فن ݙکھالیا ۔ ایں دوران وسیب ٹی وی انہاں کوں نائٹ شو دا میزبان بݨا ݙتا تے اے شو” ایم ڈی گل دے نال “دے ناں توں کئی سال مقبول رہیا ۔ ایم ڈی گل اپݨی سادہ طبیعت ، خالص سرائیکی لہجے پاروں ٻہوں مشہور تھئے ۔او سرائیکی خطے دے مقبول ٹی وی میزباناں اچ شامل ہن ۔
وفات لکھو
18 جولائی کوں سرائیکی دے معروف صداکار ، اداکار اتے ٹی وی کمپیئر ایم ڈی گل ہفتے دے ݙینھ کراچی اچ انتقال کر ڳئے۔ انہاں دی عمر 62 سال ہئی۔ او ذیابیطس دے مریض ہن ۔ انہاں دی نماز جنازہ کراچی اچ دا کیتی ڳئی ۔ [١]