ایس کیو ایم نیوز
ایں ورقے چہ سرائیکستان قومی موومنٹ دیاں سرگرمیاں تے شائع تھیوݨ آلیاں خبراں جو ریکارڈ ایں ویلہے مل سڳدا پئے
___________
وَت سَت سرائیکی مزدوراں داقتل
لکھوڈیرہ اسماعیل خان(سوشل خبراں ) گوادر سربندن بلوچستان اچ سرائیکی سماج نال تعلق رکھݨ والے نہتے سَت مزدوراں ں کوں جہری بے دردی نال قتل کیتا ڳئے اُوندی جتنی وی مذمت کیتی ونڄے تھوڑی اےایں خیالات دا اظہار سرائکستان قومی موومنٹ دے صدر سیف اللہ بے قرار نے میڈیا نال ڳالھیں کریندئیں ہوئیں آکھیا انہاندا آکھݨ ہا جوہک دفعہ وَل سرائیکی مخالف ریاستی پتَندراں نے سرائیکی مزدوراں ں تے حملہ کر کے ملکی سلامتی دا دعوی کرݨ والے خفیہ اداراں دی کارکردگی کوںننگا کر ݙِتا گئےجبکہ بلوچ نسل پرست جارح قبائلی سرداراں دی نام نہاد امن پرستی تے وی سوالیہ نشانراں لا ݙتا ڳئے بیقرار نے آکھاجو حکمراناں نے سرائیکی سماج میں روزی روٹی دے مسائل ودھا کراہیں سرائیکی عوام کوں در در تے ٹھوکراں کھاوݨ تےمجبور کر ݙتے انہاں آکھاکہ حکومت امن و امان دی فراہمی کوں یقینی بݨاوݨ اچ مکمل ناکام تھی ڳئی اےآخرلوک کے تاݨیں ریاست دے پتَندراں دے ہتھوں وہیندے مریندے رہسن - روز ݙیہاڑی شہری دہشت گردی دا نشانہ بݨدے پئن تے ساݙے قانون نافذ کرݨ والے ادارےانہاں کوں کنٹرول کرݨ دلبُس تھی چُکن، مرکزی صدر آکھاکہ ملکی استحکام تے سلامتی کیتے نویں دستور سازاسمبلی تے نواں عمرانی معاہدہ ضروری ہیے
__________
اختر گوپانگ دی وفات
لکھوسرائیکستان قومی موومنٹ دے مرکزی صدر سیف اللہ بے قرار نے آپݨے ہک مُکاݨی پیغام اچ آکھے کہ معروف سرائیکی رہنما سئیں اختر گوپانگ دی وفات انہاں سرائیکی اڳواݨاں کیتے ٻہوں وݙا صدمہ اے جِنہاں دی ہمیشہ جدوجہد صرف سرائیکی سماج تے سرائیکستان دے قیام اچ گزریل ہووے سئیں اختر گوپانگ مرحوم ایجھاں دھرتی پرست ثابت تھئے جئں ہَموں سرائیکی قومیتی سماج دی بقا تے شناخت دے حصول دی خاطر کم کیتے انہاں دی ایں جدوجہد کوں خراج تحسین پیش کریندے ہیں تے ایندے نال ای انہاندے نال سوچ دے فالور سئیں ملک مشتاق دے نال وی مُکاݨی ہیں جنہاں ہمیشہ اُنہاں دی قربت اچ وقت گذارے سئیں اختر گوپانگ دی وفات تے انہاندے دان خانیاں تے فکری وارثاں نال سرائیکستان قومی موومنٹ برابر دی بھوال اے
____________
سینیٹرعون عباس دی قراردادنامنظور
لکھو"چُلھ دی خیرتےکل دی خیر،حمید اصغر شاہینؒ"
تَرئے ڈویژناں دا صوبہ جنوبی پنجاپ بݨاوݨ ،صوبہ سرائیکستان بݨاوݨ دے خلاف ہِک سوچی سمجھی سازش اے سرائیکستان بݨاوݨ دا ہِکوحل ریفرنڈم اے تے ایہا ملکی استحکام دی ضمانت اے ایں خیالات دا اظہار سرائیکستان قومی موومنٹ دے مرکزی صدر سئیں سیف اللہ بے قرار نے ایس کیوایم دے کارکناں نال ڳال مہاڑ کریندئیں ہوئیں آکھے انہاں آکھے جو سینیٹرعون عباس رہنما پی ٹی آئی دا سینٹ اچ صوبہ جنوبی پنجاپ دے بݨاوݨ دی قرارداد دا پیش کرݨ دا بݨیادی مقصد صرف صوبہ سرائیکستان دے قیام کوں روکݨ اےتے ایہوکجھ ماضی اچ وی تھیندا رَہ پرویز مشرف دی جھولی اچ ٹپاں کھاوݨ آلی ق لیگ دے اڳواݨ وی تیراں ضلعیاں آلے منصوبے تے کم کرچُکن تے ایویں پیپلزپارٹی وی سرائیکی سماج کوں ونڈݨ دا فریضہ انجام ݙے چُکی اے تے انتخابات اچ ایندا انجام وی ݙیکھ چُکی اے ایہو کَم ہُݨ تحریک انصاف وی چائی کَھڑی اے _بیقرار نے آکھے جو ن لیگ،ق لیگ،پی پی پی،جےیوآئی تے پی ٹی آئی سمیت ساریاں نام نہاد مرکز پرست پارٹیاں دے اڳواݨاں دا بݨیادی ایجنڈا ہِکو اے جو کہئں نہ کہئں طریقے سرائیکی سماج تقسیم تھی ونڄے تے وسائل دی بھولوں ونڈ تھیندی رہوے سرائیکی سماج کہئں وی ایجھیں ایجنڈے کوں کامیاب نہ تھیوݨ ݙیسی ،جہڑے ایجنڈے چہ لوکاں دے احساسات دا احترام نہ ہووے سرائیکستان دے قیام دا واحد حل ریفرنڈم اے سارے سیاسی لاݙلے گروہاں دے اڳواݨ جنوبی پنجاپ یا نمبر ݙو پنجاپی دے شیدائی ہن،سرائیکی سماج یا سرائیکی قوم دے نال انہاں کوں کوئی ہمدردی نئیں سارے سرائیکی دَھرتی پرست ، دانشور ،ادیب،قلم کار،شاعر ،کسان ،مزدور،چھوٹا کاروباری طبقہ،نچلے درجے داملازم،سرائیکی سیاسی کارکن ،دھرتی پرست علماء مشائخ ،گلوکار اور فنکار سب سرائیکی سماج پرمبنی صوبہ سرائیکستان دے قیام دا مطالبہ کریندن تے حمایتی ہن اتے جنوبی پنجاپ ڄئیں احمقانہ سوچ کوں نہ صرف مسترد کریندن بلکہ شعوری مزاحمت تے وی یقین کریندن انہاں آکھے جو ایجھیاں غیرمطالباتی احمقانہ قرارداداں نال سو ݙین٘ہہ آلا کُوڑ نی پَچ سڳدا _