اکمل مسو آنی
اصل ناں محمد اکمل
تخلص اکملؔ
جمن 1982ء
تعلیم مڈل
پیشہ ۔۔۔۔۔
فون نمبر 03346751210
جاہ پتہ پُل نمبر 13چوٹی زیرین تحصیل کوٹ چھٹہ ضلع ڈیرہ غازیخان
غزل
لکھوتیڈی سوہنی نظردے سئیں نظارے مار ڈیندے ہن
تیڈیں پلکیں دی واچھڑ دے اشارے مار ڈیندے ہن
جڈاں وی پینگھ جھوٹیں توںزمانہ تاڑ کھڑدا ہے
تیڈیں زلفیں دے سانول سئیں ہُلارے مار ڈیندے ہن
عجوبہ سیپ چُنّی دا تے شیشے اکھ چُنبھیندے ہن
اے ٹِکّا کتھوں آندا ہئی ؟ستارے مار ڈیندے ہن
میڈے سینے دا واسی ڈس اجاں چوکھا صبر کرنے
کلھیپے اوترے دے سنگ اندھارے مار ڈیندے ہن
میڈا اکملؔ محبت دے تڑانویں تک تاں ٹریا کر
کہیں وی رول سنگتی دے سہارے مار ڈیندے ہن