اَݨ پَڑھ وًݙیرا

اَݨ پڑھ وَݙیرا

میں چہن٘داں میݙے علاقے، میݙے وسیب اتے میݙے مُلخ دا کوئ بَن٘دہ اَݨ پڑھ نہ رہے، میں چہن٘داں میݙے کول اینجھے لوک آوݨ جیرھے علم نال مُحبت کریندےہوون، علم کُوں ودھاوݨ اَتے علم حاصل کرݨ وچ دلچسپی رکھدے ہوون، میکوں جہالت دے ان٘دھارےایہو سبق ݙتے جوعلم دے سوجھلے دے ناں سب کُجھ لُٹا ݙیو. کاکا کیویں آئےوے؟ سئیں آپت وچ لَڑ پَیسے. پولیس اَوکھا کیتی کھڑی اے، کوئ آکھےہا جو سَس نونہہ دا جھیڑا لائےتےشر پئےگے، کوئ آکھے ہا نمبردار دا چوکیدار دڑکے ݙین٘دے اَتے کوئ وَت آکھے ہاجو میݙے پُترسرکاری کِکرتوں لام لہائ اے مال پَھاٹک لگ گئے. وؤےبھکن دے پُتر، سارے بے عقلائ دیاں ڳالھیں کرین٘دو، تُساں وچوں کوئ اینجھا بن٘دہ وی ھے جیڑھاآکھے میکوں پُتر کیتےکتاباں گھنا ݙیوو، اساݙے علاقے سکول کینھی، سکول بݨوا ݙیوو یا اے آکھےبجو میݙاپُترولائت پڑھݨ چہن٘دے، ݙُوچار ھزار ݙیوو، اے ڳالھیں آکھݨ والےشخص دا ناں سردار کوڑاخان جتوئ، رئیس آف ضلع مُظفرگڑھ جنہاں دا اَڄ وی ہزاراں ایکڑ رقبہ صرف وسیب دے ٻالیں دی تعلیم کیتے وقف ہےپر سردار کوڑا خان جتوئ دی ایں جائیداد توں علم دا کم گَھٹ اَتے جہالَت زیادہ گِھدا وین٘دا پئے