اناکسا غورث (Anaxagoras) ہک فلسفی ہئی جیہڑا 510 قبل مسیح وچ پیدا تھیا تے 428 ق م وچ وفات پاتس، یونان دے ہک قصبے کلازومنیس وچ پیدا تھیا۔ نوجوانی وچ ایتھنز ونڄ آباد تھیا۔ کجھ عرصے بعد ایتھنز دے شہریاں نے اوندے تے دہریت دا الزام لا کے شہر بدر کر ݙتا۔ اناکسا غورث پہلا مفکر ہئی جیں نے کائنات دی تشریح دے سلسلے وچ غایتی اصول پیش کیتا۔ اوندا آکھݨا ہئی کہ اوہ اجزاء جنہاں نال کائنات بݨی ہے، لامحدود ہن۔ جݙݨ کجھ اجزاء آپس وچ ملدن تاں ہک شے وجود وچ آندی ہے تے جݙݨ ایہ اجزاء کھنڈ ویندن تاں اوہ شے ختم تھی ویندی ہے، ہک خاص قسم دا روحانی جز موجود ہے جیہڑا ہمیشہ حرکت وچ رہندے۔ ایہو روحانی جز کائنات دے ݙوجھے چیزاں وچ حرکت پیدا کریندے۔ اناکساغورث دا مفروضہ ہئی کہ چونکہ کائنات وچ بظاہر توازن، نظم تے مقصدیت نظردی ہے لٰہذا ایہ حرکت پیدا کرݨ والا روحانی جز ذہن توں متعلق ہے یا ول ہک ہمہ گیر عقل دی شکل وچ موجود ہے۔ دیوجانس لائرٹیئس تے پلوٹارک دے مطابق، اوندے تے غیر صالحیت دا الزام لایا ڳیا تے او جلاوطن تھی کے لیمپاساس، ٹیکساس چلا ڳیا۔[١]

حوالےلکھو

  1. کتاب، سقراط