الیکشن ٢٠١٨ء پاکستان

پاکستان وچ ٢٥ جولائی کوں تھیوݨ والے قومی تے صوبائی اسمبلیاں واسطے انتخابات دی تفصیل درج ذیل اے: -

الیکشن وچ حصہ گھنݨ والے اہم قومی جماعتاں

ملکی سطح تے اہم مقام رکھݨ والے کئی سیاسی جماعتاں نے ایں الیکشن وچ حصہ گھدا جنہاں دے ناں اے ہن: -

• پاکستان تحریکِ انصاف

(عمران خان)

• پاکستان پیپلز پارٹی

(بلاول زرداری)

• عوامی نیشنل پارٹی

(اسفند یار ولی)

• پاکستان مسلم لیگ (نواز گروپ)

(نواز شریف)

• پاکستان مسلم لیگ (قائدِ اعظم)

(پرویز الٰہی)

• متحدہ قومی موومنٹ

(الطاف حسین)

• متحدہ مجلسِ عمل

(سراج الحق)

• پاکستان مسلم لیگ (ضیاء)

(اعجاز الحق)

الیکشن وچ حصہ گھنݨ والے اہم صوبائی تے علاقائی جماعتاں

ایں الیکشن وچ حصہ گھنݨ والے ٻہوں سارے جماعتاں علاقائی تے صوبائی سطح دے حامل ہن جیہڑے اے ہن : -

• جمہوری وطن پارٹی

(شاہزین بگٹی)

• بلوچستان عوامی پارٹی
• بلوچستان نیشنل پارٹی
• مہاجر قومی موومنٹ

(آفاق احمد)

• پاک سرزمین پارٹی

(سید مصطفیٰ کمال)

• پاکستان سرائیکی قومی اتحاد

(کرنل ریٹائرڈ عبدالجبار عباسی)

• سرائیکستان ڈیموکریٹک پارٹی

(راݨا فراز نون)

• سرائیکستان صوبہ محاذ

(خواجہ غلام فرید کوریجہ)

الیکشن دے انتخابی نتائج

الیکشن ٢٠١٨ء دے قومی تے صوبائی اسمبلیاں دے انتخابی نتائج کجھ ایویں ہن: -

الیکشن ٢٠١٨ء تے مہاندریاں دے تبصرے

• چنگے عزت دار ساتھیو میرا جیرہا پی ٹی آئ دی جیت تے خوش ہے اونکوں نو لکھ مبارخاں جیرہا مونجھا ہے ہونکوں حکم رب دا اللہ اگوں تے امان ڈیوے الیکشن 2018 ءچ سوجھل سنگت بھرپور حصہ گھتے جیرہے جاب لیس ہن ہنیں سوجھل کوں شاہنواز مشوری کوں عاشق بزدار کو صوفی تاج کوں مندے کڈھین جاگیرداریں کیتے ایجنٹ ہن سیاسی لغات ڈیکھو لکھیا لاتھے جیرہا کہیں پارٹی ٹکٹ ہولڈر کوں ووٹ ڈیوے او جاگیردار نال نئیں ہوندا سردار وی پارٹی سربراہ دے ہر حکم دی تعمیل کریندے جے ایم این اے

ٹکٹ احترام کریندے نہ کرے پارٹی ہوکوں ایم این اے ایم پی اے دی ٹوپی چھکیج ویندی ہے ہیں واسطے تواڈی ساڈے نال ذاتی دشمنی ہووے تاں سدھے مندے کڈھو سیاسی لغات ساڈے حق ءچ گواہی ڈیسی گال سمجھ نہ آئی ہوے ہک مثال ڈیندا پاکستان پیپلز پارٹی دے اندر شیخ رشید وی ہا پیا جیرہا کمیونسٹ ہا تے مصطفی جتوئ وی ہا پیا پیپلز پارٹی دے ورکر کوں کہیں ایجنٹ نہ آکھیا ورکر انقلابی ہے بلکہ ہر کہیں انقلابی آکھیا میں وی پی پی آلیں مہا انقلابی آہداں ساڈا کیا ڈوہ ہے۔۔۔۔ مندیں دے بدلے ساڈی دعا(تاج محمد گوپانگ)

• پولنگ دا ڈینھہ

25 جولائی 2018 کوں پولنگ ھئی،رات کوں دیر تئیں جاگیا ھم ول وی سویل نال نندر پٹیج گئی سچی گال تاں اے ھے جو اج مک مکا دا ڈینھہ ھا جلتی جلتی تیاری کر تے اپنڑی بمباٹ تے جگمشھور موٹر سائیکل کوں چھک رکھیم پیھلوں اپنڑے پولنگ اسٹیشن تے گیم میڈا بھرا ناصر خان تے کونسلر طالب خان اکا خیل کم کوں سمبھالی کھڑے ھن لوگاں دا ارد ھا کجھ دیر اتھائیں کھڑ تے شھھر دو موٹر سائیکل چھک رکھیم ھر پولنگ سٹیشن تے لوگاں دے ارد ھن مارکیٹ کمیٹی آلے پولنگ اسٹیشن تے گیم تے اتھاں کیمپ کوں الحاج رسول بخش سومرہ سمبھالی بیٹھا ھا کجھ دیر اتھاں بیھہ تے وستی پٹواریاں پج گیم لوگ ھن جو ماندے ناں ھن ایویں لگدا ھا جو سمورا شھھر وستی پٹواریاں اچ ووٹ سٹنڑ آیا کھڑے ایڈا ارد واہ واہ پرانڑے سنگتی مل گئے : رج رج تے گالھیں کیتوسے ول عابد بھٹی دے کیمپ اچ گیم اعظم بلوچ تے سجاد بلوچ کوں ڈیکھ تے اکھیں ٹھر گئیاں اتھوں ڈکھ سکھ ونڈا : عباسی گروپ دیاں پارتاں ڈے تے سجو خاں تے حاجی فیظو اراں آلے کیمپ اچ محلہ عباسیہ اچ آ گیم اتھاں میاں عمر عباسی صیب وی آ گئے ھن انھاں دے نال شیر میاں عباسی تے میاں طلال عباسی وی ھن جیھڑے گاڈی اچوں باھر ای نی نکھتے ایرکنڈیشنڈ چلا تے گاڈی اچ وڑے بیٹھے ریھہ گن او وی کیا کرن؟ تھئے تاں غیر سیاسی بندے ؛ خاندان دی جو صلح تھی گئی اے ھییں گالھوں او وی قھھر دے بڑکے اچ سختی اچ آئے ودے ھن ایندے باد اسلامک ماڈل سکول آلے کیمپ اچ گیم عمران جان بلوچ آصف خان بلوچ فرخ خان نتکانی ماسٹر ریاض احمد صیب اراں ارد نال متھا لائی بیٹھے ھن سلام اے انھاں بھراواں کوں عثمان کھوکھر ایڈووکیٹ نے کیمپ کیتے جاہ ڈتی ھوئی ھئی چنگی پیر واہ دے نال کیمپ اچ منصور اقبال کھوکھر : فیصل کھوکھر : شکیل : بوبا : آصف خان علی زئی : احسن خان خاکوانی کونسلر ایں کیمپ کوں رنگ لائی بیٹھے ھن جیون شالا محلہ سرور شاہ پجیم تاں شھزاد اسلم راجپوت صدر شھزادی مارکیٹ تے سید علی رضا کاظمی مونڈھے نال مونڈھا لائی کھڑے ھن ایں پولنگ اسٹیشن تے سید علی رضا کاظمی جیھڑی ھمت تے بھادری نال کم کیتے جتی شابش ڈئیووں گھٹ ھے محلہ سرور شاہ دے اندر پولنگ اسٹیشن تے پجیم اتھاں قاسم کمبوہ ایڈووکیٹ کونسلر کم کوں چئی لائی کھڑا ھا اتھائیں پجیم تاں میڈی موٹر سائیکل دی کک ترٹ گئی خیر میں موٹر سائیکل بند ناں کیتم تے گھر دو چھک رکھیم شکر اے جو ھک ھٹی کھلی پئی ھئی کک ویلڈ کروا تے گھر گیم ڈھڈھ اچ درد مچیا کھڑا ھا بکھ کنوں

محمد سلیم خان نیازی احمد پور شرقیہ 25 جولائی 2018

• الیکشن 2018

ایں ٹیئم پی ٹی آئی کنوں وفاق سمیت ملک دے ترائے صوبیئں وچ بھاری اکثریت وی حے،اگر پی ٹی آئی پنجاب وچ نواں صوبہ بنڑاونڑ دی حمایتی حے تے پنجاب وچ اپڑاں وزیراعلی بنڑا کے نویں صوبے دا بل پنجاب اسمبلی اچوں وی پاس کروا سگدی اے۔ اگر وٹے دا سٹا کے پی کے دے بدلے پنجاب وچ نون کوں حکومت بنڑاون ڈتا گئیا،یا کہیں جمہوری عزر بہانے دے بدلے اپڑاں وزیر اعلی نا بنڑایا پچھیں سمجھائے پی ٹی آئی وی اے پنج سال صوبہ نہیں ڈیوونڑ چاہندی۔

(وٹہ سٹہ مطلب کے پی کے وچ نون لیک نے اپڑیں بھاری اکثریت ہوونڑ دے باوجود حکومت پی ٹی آئی کوں بنڑاون ڈتی ہئی،ہنڑ پنجاب وچ پی ٹی آئی نون کوں حکومت بنڑاون ڈیووے)

ہک بئی اہم گال اے وی حے جو دیرہ اسماعیل خان،ٹانک کوں اگر سرائیکی صوبہ اچ رلاونڑ چاہوے تے ایں ٹیئم کے پی کے وچ وی پی ٹی آئی دی حکومت بنڑدی پئی حے تے بغیر کہیں پریشانی دے اعوام دی امنگیں مطابق دیرے،ٹانک کوں نویں صوبے اچ رلایا ونج سگدے۔ اے یاد رہے اینجھا سوہنڑاں موقع نون دے علاوہ اج تک کہیں وی جماعت کوں نہیں ملیا۔ صرف نیک نیتی ہونڑیں ضروری اے بس۔ فیض_کھوسہ

• اسلام علیکم ! نئی صبح اَتے نئی اُمنگ دے نال سرائیکی قوم پرستی دی شروعات کیتی ونجے ۔ ھک تجزیہ ۔

الیکشن دے دوران میڈا فوکس الیکشن دے دوران متحرک سرائیکی قوم پرست رہنماواں تے ھائی ۔ میڈے حساب نال میں سمجھدا ظہور احمد دھریجہ سرائیکی قوم پرست رہنماواں دی سیاست ءِچ شرکت دے شدید مخالف ھِن ایندی وجہ اپ الیکشن دے دوران ڈٹھا ھوسے آپ ناصرف الیکشن دے دوران غائب ھَن بلکہ کہیں وی سرائیکی قوم پرست رہنما دے جلسے یا کٹھ ءِچ شرکت کر تے اُندا حوصلہ نہیں ودھایا کہیں قوم پرست رہنما دی الیکشن کمپین ءِچ شرکت نہیں نہیں کیتی ۔ ڈوجھا ! سرائیکی پارٹی اَتے پیپلز پارٹی دا یارانہ اینڈ تھی ڳئے ۔ اے سچ ھے اگر سرائیکی پارٹی دے رہنما اللہ نواز یوسف رضا گیلانی دے حق ءِچ بہہ ونجن ھا تاں اُنھیں دے جتڑ دے چانسز زیادہ ھَن ۔ لیکن ھک طرف سرائیکی پارٹی نے بھاول خان عباسی دے حق ءِچ اپڑا نمائندہ دستبردار کروائے بہاول خان جیپ دے نشان کِنوں مسلم لیگ نون دے اُمیدوار ھَن ایندا مطلب ھے سرائیکی پارٹی دے خلاف مخلتف ادوار ءِچ جو کالم لکھے گئے ھِن مسلم لیگ نون نے جو سرائیکی پارٹی دے خلاف کمپین چلائی ھائی اَتے غداری دے فتویٰ جاری کیتے ھَن انھیں کالماں نے سرائیکی پارٹی دے رہنماواں کو خوف زدہ کیتے اَتے مخالفین کامیاب ٹہرے ھِن ایھاں وجہ ھے ایں الکشن 25 جولائی 2018 ءِچ پاکستان سرائیکی پارٹی پیپلز پارٹی دے خلاف اَتے نون لیگ دے قریب تھائی ھِے نون لیگ دے قریب تھیوڑ نال سرائیکی قوم پرستیں دا اتحاد ڈیکھائی نہیں ڈتا ۔ جیندی وجہ کِنوں سرائیکی قوم پرست ھکو نشان تے الیکشن لڑن دے بجائے مختلف نشانات تے الیکشن لڑدے رہے گئے ھِن جیندا نقصان سرائیکی قوم پرستیں کوں تھئے ۔ تریجھا ! پاکستان سرائیکی قومی اَتحاد دے رہنماواں ءِچ ناچاکی ھے ایں قوم پرست جماعت دے کجھ اگواڑ نون لیگ دے حق ءِچ دسبردار تھئے ھِن نذیر کٹپال شہاب الدین دے حق ءِچ دسبردار تھئے لیکن پیپلز پارٹی دے اے رہنما جت نہیں سڳا ایندی وجہ خسروبختیار دا صوبہ محاذ ھا ۔ صوبہ محاذ دے خسروبختیار اسانی نال جت ڳئے ھِن خسرو بختیار دے خلاف زہریلی الیکشن مہم چلاوڑ دے باوجود خسرو بختیار 50000 دی لیڈ نال جت ڳئے ۔ پاکستان سرائیکی قومی اتحاد دے چیرمین تحریک انصاف کو سپورٹ ڈتی ھِے اَتے اُندے رہنما سید عامر مشہدی نون لیگ دے دوست محمد کھوسہ دے حق ءِچ دستبردار تھیا ھے ۔

چوتھا ! خواجہ غلام فرید دے الیکشن کمپین ءِچ وی غلطیاں ھِن انھیں صرف پیر فرید دے ناں تے ووٹ گھنڑ دی کوشش کیتی ھِے خواجہ غلام فرید کوریجہ دی کمپیں ءِچ کہیں سرائیکی قوم پرست رہنما نے شرکت نہیں کیتی ۔ انھیں دی ہار دی وجہ وی قوم پرست ھِن انھیں واسطہ قوم پرست نے کہیں جلسے دا اہتمام نہیں کیتا ۔ اصغر خان نہڑ تن تنہا اپڑی الیکشن مہم چلیندے رہے گئے ھِن ایں طرح کیویں قوم پرست جت سڳدن الیکشن دے دوران تاں اتحاد ڈیکھائی ڈیوے لیکن الیکشن دے دوران اَتحاد ھی نہیں ڈیکھائی ڈتا قوم پرست مختلف نشانات تے آزادانہ حیثیت نال الیکشن ءِچ حصہ گھدینے جیندی وجہ کِنوں ڈوجھی جماعتاں نے فائدہ اُٹھائے ۔ دیرہ اسماعیل خان دے رمضان شوری جو سرائیکی اَتحاد دے منتخب کردہ ھَن انھیں 13200 کِنوں اُتے ووٹ گھدن ۔اَتھاں ھک طبقہ پیپلز پارٹی دا سپورٹر ھا ڈوجھا طبقہ سرائیکی اَتحاد دا سپورٹر ھا جئیں رمضان شوری دے جتڑ ءِچ رکاوٹ پیدا کیتی ھِے ۔ ایں مسئلے دا حل کیا ھے ؟ ایں مسئلے دا حل تاں اے ھِے قوم پرستاں ءِچ شامل ڈوجھی جماعتاں دے رہنماواں کو نکال باہر کیتا ونجے اَتے صرف انھیں رہنماواں کو پارٹی دا عہدہ ڈتا ونجے جو صرف قوم پرست ھِن کہیں ڈوجھی جماعت نال مخلص کائنی ۔ الیکشن دے دوران سرائیکی قوم پرست جماعتاں دے اتحاد کو ہر صورت ءِچ قائم رکھا ونجے اَتے پارٹی اجلاساں ءِچ ڈوجھی پارٹیاں دے رہنماواں کو سڈواں تے شرکت دی دعوت نہ ڈتی ونجے کیونجو اے رہنما سرائیکی قوم پرستاں دے اَتحاد ءِچ رکاوٹ پیدا کریندن ۔ (بھورل گھلیجہ)

انتخابی عملے دے مسائل

١. سامان گھنݨ وچ سارا گرم ݙیہاڑا صحت مند بندے کیتے وی بیماری دا باعث ہے۔ سکریناں تے ݙبے الیکشن کمیشن پولنگ ٹیشناں تے پہلے کیوں نی پچا آندا؟

٢. سویرے چھی کنوں شام چھی وجے تائیں پولنگ...کہیں مزدور کنوں اٹھ گھنٹے کنوں ودھ کم گھنݨ جرم تے ظلم ہے.

٣ـ ہک بوتھ تے ہزار ہزار ووٹر وی رکھے گئے ہن،، حالانکہ صرف ترائے سو ووٹر ممکن ہن، ترائے سو کنوں ودھ دا بوتھ بنڑاوݨ آلا الیکشن کمیشمن ظالم تے نامراد ہے.

٤ـ رات اٹھ وجے دے بعد سارا ݙینہ کم کرݨ آلے تھکے ہوئے بے ہوش. مزدوراں کنوں گنتی کرواوݨ گناہ عظیم تے دھاندلی ہے.

٥. خواتیں عملے کنوں راتیں ݙیہاں زبردستی ݙیوٹی گھنݨ ٻہوں وݙا جرم تے خدا دا قہر ہے.

٦. چالہی چالہی ممبراں دے فارم بݨاوݨ ہک دردناک عمل ہے.

٧. ہزار کنوں ودھ آلے بوتھ تے بیلٹ پیپر کاؤنٹ وچ ادھا فیصد دی رعائت عملے دا حق بنڑدے،، رعائت نہ ڈیوݨ جرم ہے.

٨. سامان دی وصولی تے واپسی پولنگ ٹیشݨ تے بنڑاؤ.

٩.. پولنگ دا عمل دھپ وچ کرواوݨ ووٹراں تے وی ظلم ہے، قطاراں وچ ووٹر سارا سارا ڈینہ کھڑے رہندن، ہزار آلے بوتھ تے ووٹراں دی نمازاں وی فوت تھی ویندیاں ہن۔

١٠. عملے کیتے رہائش تے کھاݨے دا انتظام وی نی ہوندا. ڈیوٹی گھر کنوں پیدل پندھ تے لاؤ.

١١. عملے کیتے پیوݨ کیتے پاݨی کائنی ہوندا، پاݨی بند کرݨ آلا لعین یزید ہے.

١٢ـ اگر ملک یا عملہ مسلمان ہے تاں نماز دا عمل متاثر کرݨ آلا کافر ہے.

١٣ـ جہڑے لوک ڈیوٹی نی ڈے سگدے یا ڈیوٹی نی ݙیوݨ چاہندے انہاں کوں معاف رکھا ونجے،، بیمار تے کمزور تریمتاں(سادات‌ وی شامل ہوندیاں ہن) نال زبردستی کرݨ کہڑے آئین تے کہڑے قرآن وچ جائز ہے؟

ٻیا ݙیکھو

پولنگ دا ݙینہہ، سلیم خان نیازی