الکندی

ابو یوسف یعقوب ابن اسحا‍ق الکندی (185ھ/801ء تا 259ھ/873ء) جیندی لاطینی شکل Alkindus مغرب اچ رائج ہے۔ الکندی دا شمار اسلامی دنیا دے اوّلین حکما تے فلسفیاں اچ تھیںدے۔ فلسفے دے علاوہ انھاں نے حساب، طب، فلکیات تے موسیقی اچ وی مہارت حاصل کیتی۔ الکندی دے نمایاں کارنامیاں اچوں ہک کارنامہ، اسلامی دنیا کوں حکیم ارسطو دے خیالات نال روشناس کرݨا ہئی۔۔ قرون وسطیٰ اچ انہاں کوں چند وݙی تے نمایاں شخصیات اچ شمار کیتا ویندا ہئی جیندا اظہار Cardano نے وی کیتا ہے۔

یعقوب کندی ہک ہمہ گیر شخصیت دے مالک ہن ایں واسطے انہاں دی تحقیق دا دائرہ بہت وسیع ہئی۔ ریاضی، طبیعیات، فلسفہ، ہیئت، موسیقی، طب تے جقرافیہ جیہے علوم تے انھاں نے اعلیٰ پائے دی کتب تحریر کیتن۔ اوہ یونانی و سریانی زباناں تے وی مہارت رکھدے ہن۔