الطاف حسین مطلب
اصل ناں محمد الطاف
تخلص مطلبؔ
جٖمنْ 1993ء
تعلیم میٹرک(تقریبََا)
پیشہ رنگساز
فون نمبر 0302 3151786
جاہ پتہ وستی بگے کمبھار چوک وسندیوالی ضلع مظفر گٖڑھ
غزل
لکھودل دا سارا قرار لُٹ گھندیں
کر کے اکھیاں دے وار لُٹ گھندیں
لب تے سرخی تے اکھیاں وچ کجلا
کر کے کئی کئی سنگھار لُٹ گھندیں
کہیں کوں کر کے دیوانہ زلفیں دا
سارے جوبن وقار لُٹ گھندیں
ہوش والا وی ہوش بھُل ویندے
تیر نیناں دے مار لُٹ گھندیں
جے کئی مقتل تیڈٖے توں بچ آوے
ونجٖ کے اوکوں بزار لُٹ گھندیں
تئیں توں مطلبؔ کوئی نی بچ سگٖدا
کر کے نخرے ہزار لُٹ گھندیں