البانیہ

جمہوریہ البانیہ
رقبہ:	28,748 مربع کلومیٹر
آبادی:	25 لکھ
زبان :	البانوی زبان
دارالحکومت :	تیرانا
مذہب :	اسلام، عیسائیت، یہودیت

البانیا جیندا پورا ناں 'جمہوریہ البانیا' (البانوی ریپبلیکا شقپیریسے 'Republika e Shqipërisë') ہے۔ اے جنوب مشرقی یورپ دا ہک مسلم اکثریتی ملک ہے جیندے شمال مغرب وچ مونٹی نیگرو، شمال مشرق اچ کوسووو، مشرق اچ شمالی مقدونیہ تے جنوب اچ یونان واقع ہن۔ ایندے مغرب اچ بحیرہ ایڈریاٹک تے جنوب مغرب اچ بحیرہ ایونی (البانوی:Deti Jon) واقع ہن۔ البانیہ دا رقبہ 28,748 مربع کلومیٹر (11,100 مربع میل) تے آبادی 25 لکھ دے لڳ بھڳ ہے۔ مسلماناں دی تعداد تقریباً 17 لکھ ہے جیہڑے آبادی دا 70 فیصد ہے۔ مگر ایہ یورپ دا واحد ملک ہے جتھاں اشتراکیت قائم ہے تے ناں دی جمہوریت ہے تے یورپی اقوام کوں اتھوں اشتراکیت کوں ختم کرݨ اچ کوئی دلچسپی نی۔ البانیا یورپی اتحاد دا رکن بݨݨ دا امیدوار ہے مگر ترکی دی طرح حالی تک اینکوں کوئی کامیابی نی تھئی۔ بجرم بیگاج البانیہ دے موجودہ صدر تے ایدی راما وزیر اعظم ہن تے لنڈیتا نکولا پارلیمنٹ دی اسپیکر ہن۔ البانیہ دی کرنسی دا نام لیک ہے۔

البانیا یورپ دا واحد ملک ہے جیندے اچ ݙوجھی جنگِ عظیم دے دوران نازیاں (جرمنی دے ساتھی اطالیہ) دے قبضے دے باوجود یہودیاں کوں قتل نہ کیتا ڳیا۔ البانوی مسلماناں نے یہودیاں دا نہ صرف تحفظ کیتا بلکہ بیرونی یہودیاں کوں وی پناہ ݙتی۔ البانیہ واحد یورپی ملک ہے جیندے اچ ݙوجھی جنگِ عظیم دے بعد یہودیاں دی تعداد گھٹ تھیوݨ دی بجائے ودھ ڳئی۔ البانیہ دی نوے فی صد آبادی البانوی نسل نال تعلق رکھدی ہے۔ آخری مردم شماری (1930ء) دے مطابق آبادی دا ستر فی صد توں زیادہ مسلمان ہن جیندے بعد مردم شماری نی تھیوݨ ݙتی ڳئی۔ ستمبر 2019ء کوں البانیہ اچ آئے زلزلے اچ ہلاک شدگان دی تعداد 45 جبکہ زخمیاں دی تعداد 790 تھئی، تارکین وطن کیتے یورپی یونین رکن ریاستاں تک پہنچݨ دے مرکزی رستے پہلے ترکی تے یونان ہوندے ہن۔ تاہم جڋݨ کولوں انہاں ممالک نے اپݨی بارڈر سیکیورٹی سخت کیتی ہے، بہت سارے مہاجرین نے ہݨ یورپی بلاک دے غریب ترین یورپی ممالک البانیہ تے بلغاریہ دا رستہ اختیار کرݨا شروع کر ݙتے۔