اقرب لسکاݨی
اقرب لسکاݨی سرائیکی زبان دا سوہݨا شاعر ہے
نمونہ کلام
لکھوݙوہڑہ
لکھوکل کوڑ میدان اچ جتدیں ہوٸیں ،گیوں ہار تے ونج تے سِجھ ابھریے
کنڈ لگدی دُھپ توں لگدا ہا،جیویں نار تے ونج تے سِجھ ابھریے
گُھپ تار اندھارا اکھیاں توں، تھٸے پار تے ونج تے سِجھ ابھریے
اساں سچ دی شام لنگھٸی اقرب ،ساکوں دار تے ونج تے سِجھ اُبھریے
بال غریب دے رات نبیڑی رکھدن
لکھوبال غریب دے رات نبیڑی رکھدن
بکھ دے کیڑے نندراں چھیڑی رکھدن
حسرتیں دے دریا تے تریے ویندن
خواب وی لگدے کاغذی بیڑی رکھدن
محبوب اکھیں توں لنگھیا آوے متاں
عاشق دل دی نکی چویڑی رکھدن
توں توں میں اچ بندہ مویا ویندے
لوک اصل اچ سوچاں گٸیڑی رکھدن
راہ نہ چھوڑیں منزل تانڑیں یارا
وا دے جھولے پیر اُکھیڑی رکھدن
کہیں دے بیٹ دیاں منجھیں چھیڑنڑ آلے
کہیں دیاں اجکل یاداں چھیڑی رکھدن
سنگتی توڑے رلے ہوندن اقرب
پر او اپنڑاں آپ نکھیڑی رکھدن
اقرب لسکانڑی
توڑے پاڑاں پٹ کے
لکھوتوڑے پاڑاں پٹ کے اُچھلی ونج ساڈیاں جاہیں تھیندیاں آ ڈیکھیں
آ ڈیکھیں ساول انگ انگ توں ساڈیاں لاہیں تھیندیاں آ ڈیکھیں
جیڑھیاں اقرب دھاہیں سنڑدا پٸیں بند دھاہیں تھیندیاں آ ڈیکھیں
اساں پیار دے ونڑ ہیں پھپھڑ آٶسوں ساڈیاں چھاہیں تھیندیاں آ ڈیکھیں
اقرب لسکانڑی