اشفاق سحر
اصل ناں اشفاق احمد
قلمی ناں اشفاق سحر
جمن 1980ء
تعلیم بی کام
پیشہ تجارت
فون نمبر 03457358142
جاہ پتہ وستی بلوانیO/Pنتکانی تونسہ شریف ضلع ڈیرہ غازیخان
غزل
لکھوحیاتی دے حیلے سزا بندے ویندن
اے دنیاں دے جھیڑے انا بندے ویندن
نہ ڈے پیش گوئیاں حشر تے نشر دیاں
بشر بھوئیں تے اجکل خدا بندے ویندن
محبت مزاجیں دی فطرت وٹائی ہے
میڈے درد میڈی دوا بندے ویندن
شالا میڈے رستے اُتے کھوہ نہ آوے
میڈے ہمسفر کجھ بھرا بندے ویندن
میڈے ہاں تے ہنجھوں دی چھل آگئی ہے
میڈی اکھ تے ڈکھ دے ڈُوا بندے ویندن
سحرؔ میکوں تعبیر کئی وی نئیں ڈیندا
میڈے خواب سارے سُوا بندے ویندن