اشرف مشکور

اصل ناں      محمد اشرف

قلمی ناں       اشرف مشکور  

جمن           1982ء  

تعلیم         ایم اے اردو

پیشہ          تدریس  

فون نمبر       03447005596

جاہ پتہ         O/Pشیخ عمر، کوٹ ادو ضلع مظفر گڑھ

اشرف مشکور ہک پڑھیا لکھیا تے سلجھا ہویا نوجوان شاعر ہے،1995ء کوں شاعری دا شوق پیدا تھیا تاں شاکر مہروی (مرحوم) توں راہنمائی حاصل کیتی۔سرائیکی شاعری دیاں تمام مروّجہ اصناف اچ شاعری کریندن پر آپ دی پسندیدہ صنف غزل ہے۔ادبی خدمات دے حوالے نال آپ سہ ماہی رسالہ ’’الطارق ‘‘دے ایڈیٹر تے ’’احمد خان طارقؔ سرائیکی ادبی و ثقافتی سنگت‘‘کوٹ ادو دے چیئر مین ہن شخصیت دے حوالے نال وی آپ ہنس مکھ ، ملنسار تے ہر دلعزیز شخصیت دے مالک ہن ۔جتھوں تک مشکور دی غزل دا تعلق ہے تاں انہاں دی غزل اچ محبوب دی بے پرواہی دے گلے شکوے تے اپنی بے وسی دا اظہار نمایاں نظر آندے۔

غزل

اوکھے ویلے پیا ضرورت ہے           میکوں لگدے خدا ضرورت ہے

ہر بلا کوں میڈی ضرورت ہے           میکوں  ماء دی دعا ء ضرورت ہے

لوڑ پووے تاں آکے ملدا ہے           اے محبت ہے یا ضرورت ہے

یار جیندا تیڈے جھیاں ہووے           اوکوں دشمن دی کیا ضرورت ہے

قُرب تیڈے دی لوڑ ہے میکوں           جیویں آب و ہوا ضرورت ہے

غزل

     کھیڈ کوڑی مٹک دے وانگوں ہے

اے حیاتی وی شک دے وانگوں ہے      

     اوئیں منہ تے ہے دھوڑ یادیں دی

مونجھ کچّی سڑک دے وانگوں ہے       

     کوڑ نسری دے نرخ وکدا پئے

سچ نی بھاندا جو اَک دے وانگوں ہے        

      کائے نہ بھلسی چنگائی یاریں دی

ہر چنگائی سبق دے وانگوں ہے        

      باجھ تیڈے  میڈی  حیاتی وی

محض اُدھڑے ہوئے ٹک دے وانگوں ہے       

٭٭٭