اسماعیل میرٹھی

مولوی اسماعیل میرٹھی (پیدائش: 12 نومبر 1844ء — یکم نومبر 1917ء) دا شمار جدید اردو ادب دے انہاں اہم ترین شعراء وچ تھیندے جنہاں وچ مولانا الطاف حسین حالی، مولوی محمد حسین آزاد وغیرہ شامل ہن۔ اسماعیل میرٹھی 12 نومبر 1844ء کوں میرٹھ دے ہک محلے مشائخان وچ پیدا تھئے ہن۔ ہݨ ایہ علاقہ اسماعیل نگر دے ناں نال معروف ہے۔ انہاں دے والد دا ناں شیخ پیر بخش ہئی تے ایہے انہاں دے پہلے استاد وی ہن۔ اوں دور دے رواج دے مطابق مولانا نے ابتدائی تعلیم گھر تے ہی حاصل کیتی۔ پہلے فارسی تے ول ݙاہ سال دی عمر وچ ناظرہ قرآن مجید دی تعلیم مکمل کیتی۔ 1857ء دی جنگِ آزادی دی تحریک دے وقت 14 سالہ اسمٰعیل نے محسوس کر گھدا ہئی کہ اوں وقت ایں مردہ قوم کوں جگاوݨ تے جگائے رکھݨ دی ضرورت ہے۔ تہوں اونہی مقصد دے تحت انھاں نے دینی علوم دی تکمیل دے بعد جدید علوم سکھݨ تے توجہ ݙتی، انگریزی وچ مہارت حاصل کیتی، انجنیئرنگ دا کورس پاس کیتا، مگر انہاں علوم توں فراغت دے بعد اعلیٰ ملازمت حاصل کرݨ دی بجائے تدریس دا معزز پیشہ اختیار کیتا تاکہ ایں راہ نال قوم کوں اپݨے کھوئے ہوئے مقام تک واپس گھن ونڄݨ دی کوشش کرن۔

"مولوی اسما عیل میرٹھی، ہک ہمہ جہت شخصیت ، انہاں دا شمار جدید نظم دے ہئیتی تجربیاں دے بنیاد گزاراں وچ ہووݨا چاہیدا اے " (پروفیسر گوپی چند نارنگ)