اسلم میتلا

اصل ناں    ملک محمد اسلم

قلمی ناں    اسلمؔ میتلا

جٖمنْ        1951ء

جاہ پتہ      نعمت والا چک نمبر10/115جہانیاں ضلع خانیوال

اسلمؔ میتلا دا تعلق چوک میتلا جہانیاں نال ہے اجٖکل رحیم یار خان سول جج دے فرائض انجام ڈٖیندے پَین۔نثری ادب اچ انہاندیاں ڈھیر خدمات ہن۔شاعری تے نثر دیاں بٖہوں ساریاں کتاباں دے مصنف ہن۔غزل دا نمونہ!

غزل

حقیقت یا فسانہ کیا کریجے

تھیا واقف زمانہ کیا کریجے

سجٖنْ دا قرب جو حاصل نی ساکوں

بھلا موسم سہانا کیا کریجے

ڈِٖکھاواں چا جیکر شیشہ انہاں کوں

وگڑ ویسی یرانہ کیا کریجے

جڈٖنْ دا او اساکوں بھاں گٖیا ہے

مخالف تھئے زمانہ کیا کریجے

او واقف ہن میڈٖی حسرت توں اسلمؔ

تقاضہ ہُنْ روزانہ کیا کریجے