ارفع کریم رندھاوا

ارفع کریم رندھاوا (2 فروری 1995ء – 14 جنوری 2012ء) ہک پاکستانی طالبہ تے غیر معمولی ذہین چھوکری ہئی، جیہڑی 2004ء اچ محض نو سال دی عمر اچ مائیکرو سافٹ سرٹیفائیڈ پروفیشنل (ایم سی پی) بݨ ڳئی، جبکہ ݙاہ سال دی عمر اچ پائلٹ دا اجازت نامہ (لائسنس) حاصل کیتا۔ ایں بنا تے ارفع دا ناں گنیز ورلڈ ریکارڈز اچ درج کیتا ڳیا۔ ایہ اعزاز 2008ء تک ارفع دے کول رہیا۔ ارفع نے پاکستان دی طرفوں، مختلف بین الاقوامی فورماں تے ٹیک ایڈ ڈویلپرز کانفرنس اچ نمائندگی کیتی۔ 2005ء اچ حکومت پاکستان نے ارفع کوں صدارتی تمغہِ حسن کارکردگی عطا کیتا۔ لہور اچ ہک سائنس پارک ارفع سافٹ ویئر ٹیکنالوجی پارک اوندے ہی دے ناں تے بݨایا ڳیا ہے۔ مائیکروسافٹ دے بانی بل گیٹس نے ارفع کوں صدر دفتر، امریکا اچ مدعو کیتا تے خود ملاقات کیتی۔ ارفع 14 جنوری 2012ء کوں 16 سال سال دی عمر اچ عارضۂ قلب دی وجہ نال وفات پا ڳئی۔