ارشد اعوان
اصل ناں غلام رسول
تخلص ارشدؔ اعوانْ
جٖمنْ 1987ء
تعلیم ایف اے
پیشہ زمیندارہ
فون نمبر 0346 7592353
جاہ پتہ وستی اکڑا موضع کانجنْ تحصیل کلور کوٹ ضلع بھکر
غزل
لکھوتیڈٖے محبوب چہرے دا نظارا مل گٖیا آخر
اساکوں اجٖ تاں جیونْ دا سہارا مل گٖیا آخر
اساں سک دے سمندر وچ بٖہوں تئیں بُٖڈٖدے رہ گٖئے ہیں
تیڈٖی چاہت دے دریا دا کنارا مل گٖیا آخر
تیڈٖی تانگھ اچ میڈٖیاں اکھیں ستارے گِٖنْدیاں جو ہَن
میکوں اپنْے مقدر دا ستارا مل گٖیا آخر
تیڈٖے دیدار دے صدقے ولا ہک وار جی پئے ہیں
بیماراں نوں بیماری دا اُتارا مل گٖیا آخر
نہ ساکوں یاد کر ارشدؔ اساں ہُنْ جام کے پیسوں
اوندی اکھیاں چوں پیونْ دا اِشارا مل گٖیا آخر
٭٭٭