ارشاد قائل

اصل ناں       ارشاد خان

قلمی ناں       ارشاد قائلؔ

جٖمنْ           1980ء

تعلیم          ایم اے

پیشہ           ٹیچنگ

فون نمبر        0345 9889249

جاہ پتہ         گرہ رحمان تحصیل و ضلع ڈیرہ اسماعیل خان

غزل

دل دے خاص کنارے کن گٖئے

ساڈٖے ڈھول پیارے کن گٖئے

جئیں تے چن ہئی ناز کریندا

اُس  دے ناز نیارے کن گٖئے

بخت جو ہئی تاں کول ہن ساڈٖے

یار پرانْے سارے کن گٖئے

ساہ دی بٖیڑی بُٖڈٖدی پئی اے

گٖولوں یار کنارے کن گٖئے

چٹھیاں لکھ لکھ چائی پھرداں

میکوں ڈٖس ہر کارے کن گٖئے

چن وی قائلؔ ڈٖسدا کائنی

اجٖ اسمان دے تارے کن گٖئے