اخوندزادہ سیف الرحمٰنؒ

اخوند زادہ سیف الرحمن مبارک رحمتہ اللہ علیہ سلسلہ نقشبندیہ مجددیہ، شیخ احمد سرہندی مجدد الف ثانی دی ذات نال منسوب طریقہ دے ہک اسلامی مذہبی تے روحانی رہنما ہن، جنہاں کوں عموماً حضور مبارک سرکار دے ناں نال یاد کیتا ویندا ہے۔

تاریخ پیدائش

ولادت بروز سوموار بمطابق 20 محرم الحرام 1344ھ تے عیسوی سال دے اعتبار نال 10اگست 1925ء وچ تھئی ( ایہ تاریخ آپؒ دے صاحبزادہ احمد سعید یار صاحب نے لکھوائی) جبکہ درۃ البیان سیرت حضرت اخوند زادہ سیف الرحمٰن دے مطابق 1349ھ بمطابق عیسوی 1930 بݨدی ہے. افغانستان دے صوبہ ننگر ہار دے ضلع کوٹ، تحصیل قلعہ وال، گاؤں باباکلی وچ تھئی جیہڑا جلال آباد توں تقریباً 20 کلو میٹر ہے۔۔السیف الصارم انہاں دے ناں نال منسوب تے سلسلہ سیفیہ دا نمائندہ ماہنامہ ہے۔

بانی سلسلہ

آپؒ تصوف وچ سلسلہ سیفیہ دے بانی ہن جیہڑا اہلسنت والجماعت دے حنفی مکتب فکر نال تعلق رکھدے ۔ کئی غیر مسلماں نے آپؒ دی تبلیغ نال اسلام قبول کیتا۔ انہاں دے ناں دی نسبت توں انہاں دے پیرو کاراں کوں سیفی آکھا ویندا ہے. (سیفی) اوہ سلسلہ تصوف ہے جس وش اتباع سنت دی پابندی تے بہت زور ݙتا ویندا ہے جبکہ لطائف، جیویں کہ قلب ،روح ،سر، خفی، اخفا دی تعلیمات دوران ذکر خفی وجد دی کیفیات بے اختیاری وچ ایسی کیفیات دا ظاہر تھیوݨا جس نال جسم کنبدا ہے، مختلف آوازاں نکلدیاں ہن، ایں سلسلے دی خاص علامات ہن۔ لکھاں مریدین، ہزاراں خلفاء تے اولاد مبارکہ اج وی سلسلہ سیفیہ دی ترویج کیتے کوشاں ہن۔ انہاں دے زمانے دے بڑے بڑے اکابرین اہلسنت نے انہاں دی مدح سرائی فرمائی تے آپؒ دے علم و اخلاص کوں سراہا.

وصال

اخوند زادہ سیف الرحمن رحمتہ اللہ علیہ دی وفات 27 جون بروز اتوار 2010ء بمطابق 15 رجب 1431 ھ کوں تھئی۔ آپؒ دا مزار مبارک مرکزی آستانہ عالیہ نقشبندیہ سیفیہ، فقیر آباد شریف، لکھو ڈھیر، لاہور، صوبہ پنجاب، پاکستان وچ ہے۔