اختر جعفری

اصل ناں    کیپٹن اختر جعفری

قلمی ناں    اخترؔ جعفری

جٖمنْ        1934ء

جاہ پتہ     ریڈیو پاکستان ۔ملتان

اخترؔ جعفری شاعر ابنِ شاعر ہن۔آپ دا شمار اردو تے سرائیکی دے سینئر شعرا ء وچ تھیندے انہاں دی شاعری ہر لحاظ نال پختہ تے معنوی ہوندی ہے۔اوہ تھوڑا لکھدن پر بٖہوں بنْا سجا کے لکھدن۔اوہ خانہ پری آلے کمزور شعر لکھنْ پسند نہیں کریندے۔

غزل

؎اے ظلم میڈٖی تقدیر نہ کر

میڈٖے خواباں دی تشہیر نہ کر

میں چھاں دی اول گُٖلیندا ہاں

توں زلفاں کوں زنجیر نہ کر

ایہ شرم ِحیا دی لجٖ ہوندین

بے دردا نیناں تیر نہ کر

اخترؔ کوں جٖانْ سنجٖانْ سجٖنْ

ایویں عبرت دی تصویر نہ کر

؎جٖانْے کیندی دید ہے دید دیوچ

میکوں ہر زرہ مہتاب ڈٖسے

؎ستم یاد آندن ، کرم یاد آندن

محبت دے سارے بھرم یاد آندن

عجب جادو گر ہے ، اے مسکان تیڈٖی

نہ سکھ یاد آندن نہ غم یاد آندن

٭٭٭