احمد پور حادثہ ٢٠١٧ء

25 جون 2017ء کوں، احمد پور شرقیہ، ضلع بہاولپور دے قریب ہک تیل ٹینکر دھماکے نال کم از کم 219 افراد ہلاک تے 34 توں زائد زخمی تھئے۔

دھماکا تقریباً پاکستانی وقت دے مطابق 06:00 وڄے تھیا۔ ریسکیو ذرائع دے مطابق آئل ٹینکر پھٹݨ دا واقعہ قومی شاہراہ تے پل پکا دے قریب اوں وقت پیش آیا جیہڑے ویلے آئل ٹینکر دے الٹݨ دے باعث پٹرول لیک تھیوݨ لگا تے بڑی تعداد وچ لوگ پٹرول جمع کرݨ اتھاں پہنچ گئے۔ مسلسل ݙاہ منٹ پیٹرول لیک تھیوݨ دے بعد آئل ٹینکر پھٹݨ نال قریب موجود 75 توں زائد موٹر سائیکلاں تے کئی گݙیاں وی سڑ کے خاکستر تھی گئیاں۔ بعض معلومات دے مطابق بھاہ سگریٹ دی وجہ توں لگی۔