احمد بن ماجد
عرب جہاز راں بحری ناخدا ”شہاب الدین احمد ابن ماجد“ جیہڑا پندرھویں صدی عیسوی دا ہک عرب جہاز راں ہئی تے اُوں نے علم بحریات تے ہک ایسی کتاب تصنیف کیتی ہئی جس وچ بحر ہند، بحر قلزم، خلیج فارس، بحیرہ چین دے مغربی حصے تے مجمع الجزائر وچ جہاز رانی دی ہدایات درج ہن۔ نیز عرب جہاز راں جیں نے واسکوڈے گاما کوں ہندوستان دا راستہ ݙسݨ وچ اوں دی مدد کیتی۔ اہل یورپ ایندے بحری معلومات دے معترف ہن تے اینکوں عرباں دا جان ہملٹن آہدے ہن ۔
علمی کم
لکھوایندی کتاب "کتاب الفوائد" مشہور ہے۔ ابن ماجد کوں مورخین نے اٹھتی کتاباں دا مصنف ݙسیا ہے جنہاں وچوں اکثر فلکیات، بحریات تے جہاز رانی دے موضوعات دا احاطہ کریندیاں ہن۔ فرانسیسی مستشرق فیراں لکھدا ہے کہ جہاز رانی تے بحری علوم تے جدید انداز وچ لکھݨ والا پہلا مصنف ابن ماجد ہے۔ اگر عرض بلد دی ناگزیر غلطیاں کوں نظرانداز کیتا ونجے تاں اج وی بادبانی جہاز رانی کیتے اُوندی کتب بے مثال ہن۔